مسند أبي يعلى الموصلي

حَدَّثَنَا عُبَيْدُ اللهِ ، حَدَّثَنَا وَكِيعٌ ، حَدَّثَنَا الْأَعْمَشُ ، عَنْ مُسْلِمٍ الْبَطِينِ ، عَنْ عَلِيِّ بْنِ حُسَيْنٍ ، عَنْ مَرْوَانَ بْنِ الْحَكَمِ ، قَالَ : كُنَّا نَسِيرُ مَعَ عُثْمَانَ بْنِ عَفَّانَ فَسَمِعَ رَجُلًا يُلَبِّي بِهِمَا جَمِيعًا ، فَقَالَ : مَنْ هَذَا ؟ قَالَ : عَلِيٌّ ، فَأَتَاهُ فَقَالَ : أَمَا عَلِمْتَ أَنِّي نَهَيْتُ عَنْ هَذَا ؟ قَالَ : بَلَى ، وَلَكِنِّي لَمْ أَدَعْ قَوْلَ رَسُولِ اللهِ صَلَّى اللهُ عَلَيْهِ وَسَلَّمَ لِقَوْلِكَ .

مروان بن الحکم رحمہ اللہ سے روایت ہے کہ ہم سیدنا عثمان بن عفان رضی اللہ عنہ کے ہمراہ سفر کر رہے تھے کہ انہوں نے ایک شخص کو حج اور عمرہ دونوں کا ایک ساتھ تلبیہ پکارتے ہوئے سنا، تو آپ نے دریافت فرمایا: ”یہ کون ہے؟“ لوگوں نے عرض کیا: ”سیدنا علی رضی اللہ عنہ ہیں۔“ تب سیدنا عثمان رضی اللہ عنہ ان کے پاس آئے اور فرمایا: ”کیا آپ کو معلوم نہیں کہ میں نے اس سے منع کیا ہے؟“ سیدنا علی رضی اللہ عنہ نے ارشاد فرمایا: ”کیوں نہیں (مجھے علم ہے)، لیکن میں رسول اللہ ﷺ کے فرمان کو آپ کی بات کی وجہ سے چھوڑنے والا نہیں ہوں۔“