مسند أبي يعلى الموصلي

حَدَّثَنَا إِسْحَاقُ، حَدَّثَنَا حَمَّادُ بْنُ زَيْدٍ، عَنْ ثَابِتٍ، عَنْ أَنَسٍ، قَالَ: كُنْتُ سَاقِي الْقَوْمِ فِي مَنْزِلِ أَبِي طَلْحَةَ يَوْمَ حُرِّمَتِ الْخَمْرُ، وَكَانَ شَرَابُهُمْ يَوْمَئِذٍ الْفَضِيخَ: الْبُسْرَ وَالتَّمْرَ - فِيهِمْ رِجَالٌ مِنْ أَصْحَابِ رَسُولِ اللَّهِ صلى الله عليه وسلم فَنَادَى مُنَادٍ فَقَالَ لِي: اخْرُجْ فَانْظُرْ. فَخَرَجْتُ فَإِذَا مُنَادٍ يُنَادِي: «إِنَّ الْخَمْرَ قَدْ حُرِّمَ» قَالَ: فَإِذَا هِيَ قَدْ جَرَتْ فِي سِكَكِ الْمَدِينَةِ، فَجِئْتُ فَأَخْبَرْتُ أَبَا طَلْحَةَ قَالَ: فَاخْرُجْ فَأَهْرِقْهَا، فَقَالَ بَعْضُ الْقَوْمِ: لَقَدْ قُتِلَ فُلَانٌ وَفُلَانٌ، وَهِيَ فِي بُطُونِهِمْ. فَأَنْزَلَ اللَّهُ {لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا} [المائدة: 93] الْآيَةُ

سیدنا انس رضی اللہ عنہ سے روایت ہے، وہ بیان کرتے ہیں کہ ”جس دن شراب حرام کی گئی، میں سیدنا ابو طلحہ رضی اللہ عنہ کے گھر میں لوگوں کو شراب پلا رہا تھا اور اس وقت ان کی شراب 'فضیخ' یعنی ادھ کچی اور پکی کھجوروں کا ملغوبہ تھی، وہاں رسول اللہ ﷺ کے صحابہ کی ایک جماعت موجود تھی کہ اچانک ایک پکارنے والے نے آواز دی، تو سیدنا ابو طلحہ رضی اللہ عنہ نے مجھ سے فرمایا: ”باہر جا کر دیکھو (کہ کیا پکارا جا رہا ہے؟)“۔ میں نے باہر نکل کر دیکھا تو ایک منادی یہ اعلان کر رہا تھا: ”خبردار! بے شک شراب حرام کر دی گئی ہے“۔ سیدنا انس رضی اللہ عنہ فرماتے ہیں کہ (یہ سنتے ہی) شراب مدینہ کی گلیوں میں بہنے لگی۔ میں نے واپس آ کر سیدنا ابو طلحہ رضی اللہ عنہ کو بتایا تو انہوں نے حکم دیا: ”باہر نکلو اور اسے بہا دو“۔ اس موقع پر بعض لوگوں نے کہا: ”فلاں اور فلاں تو (جنگوں میں) شہید ہو گئے جبکہ شراب ان کے پیٹوں میں تھی (اب ان کا کیا ہوگا؟)“، تو اس پر اللہ سبحانہ و تعالی نے یہ آیتِ کریمہ نازل فرمائی: ﴿لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا﴾ ”جو لوگ ایمان لائے اور انہوں نے نیک اعمال کیے، ان پر ان چیزوں کا کوئی گناہ نہیں جو وہ (حرمت سے پہلے) کھا پی چکے ہوں“۔