مسند أبي يعلى الموصلي

حَدَّثَنَا هُدْبَةُ، حَدَّثَنَا هَمَّامٌ، حَدَّثَنَا قَتَادَةُ ، حَدَّثَنَا أَنَسُ بْنُ مَالِكٍ، أَنَّهُ قَالَ يَوْمًا: لَأُحَدِّثَنَّكُمْ بِحَدِيثٍ لَا يُحَدِّثُكُمْ بِهِ أَحَدٌ بَعْدِي سَمِعْتُهُ مِنْ رَسُولِ اللَّهِ صلى الله عليه وسلم سَمِعْتُ رَسُولَ اللَّهِ صلى الله عليه وسلم يَقُولُ: «لَا تَقُومُ السَّاعَةُ - أَوْ قَالَ - مِنْ أَشْرَاطِ السَّاعَةِ أَنْ يُرْفَعَ الْعِلْمُ، وَيَظْهَرَ الْجَهْلُ، وَيُشْرَبَ الْخَمْرُ، وَيَظْهَرَ الزِّنَى، وَيَقِلَّ الرِّجَالُ، وَيَكْثُرَ النِّسَاءُ، حَتَّى يَكُونَ لِلْخَمْسِينَ امْرَأَةً الْقَيِّمُ الْوَاحِدُ»

سیدنا انس بن مالک رضی اللہ عنہ سے روایت ہے کہ انہوں نے ایک دن فرمایا: ”میں تمہیں یقیناً ایک ایسی حدیث سناؤں گا جو میرے بعد تمہیں کوئی اور نہیں سنائے گا، میں نے اسے رسول اللہ ﷺ سے سنا ہے؛ میں نے رسول اللہ ﷺ کو یہ فرماتے ہوئے سنا: ”قیامت قائم نہیں ہو گی — یا آپ ﷺ نے فرمایا — قیامت کی علامات میں سے یہ ہے کہ علم اٹھا لیا جائے گا، جہالت غالب آ جائے گی، علانیہ شراب پی جائے گی، زنا کاری عام ہو جائے گی، مردوں کی تعداد کم ہو جائے گی اور عورتوں کی کثرت ہو جائے گی، یہاں تک کہ پچاس عورتوں کا نگران و سرپرست صرف ایک مرد رہ جائے گا۔““