مسند أبي يعلى الموصلي

حَدَّثَنَا وَهْبُ بْنُ بَقِيَّةَ ، حَدَّثَنَا خَالِدٌ - يَعْنِي ابْنَ عَبْدِ اللهِ - عَنْ خَالِدٍ - يَعْنِي الْحَذَّاءَ - عَنْ يُوسُفَ أَبِي يَعْقُوبَ ، عَنْ مُحَمَّدِ بْنِ حَاطِبٍ ، أَوِ الْحَارِثِ ، قَالَ :
ذُكِرَ ابْنُ الزُّبَيْرِ ، فَقَالَ : طَالَمَا حَرَصَ عَلَى الْإِمَارَةِ ، قُلْتُ : وَمَا ذَاكَ ؟ قَالَ : أُتِيَ رَسُولُ اللهِ صَلَّى اللهُ عَلَيْهِ وَسَلَّمَ بِلِصٍّ ، فَأَمَرَ بِقَتْلِهِ ، فَقِيلَ : إِنَّهُ سَرَقَ ، قَالَ : اقْطَعُوهُ ، ثُمَّ جِيءَ بِهِ بَعْدَ ذَلِكَ إِلَى أَبِي بَكْرٍ قَدْ سَرَقَ ، وَقَدْ قُطِعَتْ قَوَائِمُهُ ، فَقَالَ أَبُو بَكْرٍ : مَا أَجِدُ لَكَ شَيْئًا إِلَّا مَا قَضَى فِيكَ رَسُولُ اللهِ صَلَّى اللهُ عَلَيْهِ وَسَلَّمَ يَوْمَ أَمَرَ بِقَتْلِكَ ، فَإِنَّهُ كَانَ أَعْلَمَ بِكَ ، فَأَمَرَ بِقَتْلِهِ أُغَيْلِمَةً مِنْ أَبْنَاءِ الْمُهَاجِرِينَ ، أَنَا فِيهِمْ ، قَالَ ابْنُ الزُّبَيْرِ : أَمِّرُونِي عَلَيْكُمْ ، فَأَمَّرْنَاهُ عَلَيْنَا ، فَانْطَلَقْنَا بِهِ إِلَى الْبَقِيعِ فَقَتَلْنَاهُ .

سیدنا محمد بن حاطب یا حارث رضی اللہ عنہ سے روایت ہے کہ سیدنا عبداللہ بن زبیر رضی اللہ عنہ کا تذکرہ ہوا تو انہوں نے فرمایا: ”وہ تو ہمیشہ سے امارت و سیادت کے بہت خواہش مند رہے ہیں۔“ میں نے دریافت کیا: وہ کس طرح؟ انہوں نے فرمایا: ”رسول اللہ ﷺ کی خدمتِ اقدس میں ایک چور لایا گیا تو آپ ﷺ نے اسے قتل کرنے کا حکم دیا، عرض کیا گیا کہ اس نے چوری کی ہے، اس پر آپ ﷺ نے ارشاد فرمایا: ”اس کا ہاتھ کاٹ دو۔“ پھر وہ شخص (اپنے دورِ خلافت میں) سیدنا ابوبکر صدیق رضی اللہ عنہ کے پاس لایا گیا، اس نے پھر چوری کی تھی حالانکہ اس کے ہاتھ اور پاؤں (پہلے ہی) کاٹے جا چکے تھے، تو سیدنا ابوبکر صدیق رضی اللہ عنہ نے فرمایا: ”میں تمہارے بارے میں اسی فیصلے کو درست پاتا ہوں جو رسول اللہ ﷺ نے اس روز تمہارے متعلق فرمایا تھا جب آپ ﷺ نے تمہارے قتل کا حکم دیا تھا، کیونکہ وہ تمہارے معاملے کو زیادہ بہتر جانتے تھے۔“ چنانچہ انہوں نے مہاجرین کے بیٹوں میں سے چند نوجوانوں کو اسے قتل کرنے کا حکم دیا اور میں بھی ان میں شامل تھا، تو سیدنا عبداللہ بن زبیر رضی اللہ عنہ نے فرمایا: ”تم مجھے اپنا امیر بنا لو۔“ چنانچہ ہم نے انہیں اپنا امیر مقرر کر لیا، پھر ہم اسے بقیع کی طرف لے گئے اور اسے قتل کر دیا۔“