مسند أبي يعلى الموصلي

حَدَّثَنَا زُهَيْرٌ، حَدَّثَنَا يَزِيدُ بْنُ هَارُونَ، أَخْبَرَنَا سُفْيَانُ بْنُ حُسَيْنٍ، عَنِ الزُّهْرِيِّ، عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ، عَنِ ابْنِ عَبَّاسٍ، قَالَ: جَاءَ رَجُلٌ إِلَى رَسُولِ اللَّهِ صلى الله عليه وسلم فَقَالَ: يَا رَسُولَ اللَّهِ إِنِّي رَأَيْتُ ظُلَّةً تَنْطِفُ سَمْنًا وَعَسَلًا، فَأَخَذَ النَّاسُ مِنْهَا فَبَيْنَ مُسْتَكْثِرٍ وَبَيْنَ مُسْتَقِلٍّ وَمَنْ بَيْنَ ذَلِكَ، وَكَأَنَّ سَبَبًا دُلِّيَ مِنَ السَّمَاءِ فَجِئْتَ فَأَخَذْتَ بِهِ فَعَلَوْتَ فَأَعْلَاكَ اللَّهُ، ثُمَّ جَاءَ رَجُلٌ مِنْ بَعْدِكَ فَأَخَذَ بِهِ فَعَلَا فَأَعْلَاهُ اللَّهُ، ثُمَّ جَاءَ رَجُلٌ مِنْ بَعْدِكُمَا فَأَخَذَ بِهِ فَعَلَا، ثُمَّ جَاءَ رَجُلٌ مِنْ بَعْدِكُمْ فَأَخَذَ بِهِ، ثُمَّ قُطِعَ بِهِ ثُمَّ وُصِلَ لَهُ فَعَلَا فَأَعْلَاهُ اللَّهُ . فَقَالَ أَبُو بَكْرٍ: يَا رَسُولَ اللَّهِ ائْذَنْ لِي فَلْأَعْبُرْهَا. فَأَذِنَ لَهُ فَقَالَ: أَمَّا الظُّلَّةُ فَالْإِسْلَامُ، وَأَمَّا السَّمْنُ وَالْعَسَلُ فَالْقُرْآنُ، وَأَمَّا السَّبَبُ فَمَا أَنْتَ عَلَيْهِ تَعْلُوا فَيُعْلِيكَ اللَّهُ. ثُمَّ يَكُونُ رَجُلٌ مِنْ بَعْدِكَ عَلَى مِنْهَاجِكَ فَيَعْلُوا فَيُعْلِيهِ اللَّهُ. ثُمَّ يَكُونُ رَجُلٌ مِنْ بَعْدِكُمَا فَيَأْخُذُ بِإِخْذِكُمَا فَيَعْلُو فَيُعْلِيهِ اللَّهُ. ثُمَّ يَكُونُ رَجُلٌ مِنْ بَعْدَكُمْ عَلَى مِنْهَاجِكُمْ ثُمَّ يُقْطَعُ بِهِ، ثُمَّ يُوصَلُ لَهُ فَيَعْلُوا فَيُعْلِيهِ اللَّهُ. قَالَ: أَصَبْتُ يَا رَسُولَ اللَّهِ؟ قَالَ: «أَصَبْتَ وَأَخْطَأْتَ» قَالَ: أَقْسَمْتُ يَا رَسُولَ اللَّهِ لَتُخْبِرَنِّي. قَالَ: «لَا تُقْسِمْ»

سیدنا ابن عباس رضی اللہ عنہما سے روایت ہے کہ ایک شخص رسول اللہ ﷺ کی بارگاہ میں حاضر ہوا اور عرض گزار ہوا: ”اے اللہ کے رسول! میں نے (خواب میں) ایک بادل دیکھا جس سے گھی اور شہد ٹپک رہا تھا، پس لوگ اسے اپنے ہاتھوں میں سمیٹنے لگے، کسی نے زیادہ لیا اور کسی نے کم اور کوئی ان کے درمیان تھا، اور گویا کہ آسمان سے ایک رسی لٹکائی گئی، پھر آپ ﷺ تشریف لائے اور آپ ﷺ نے اسے تھام لیا تو آپ ﷺ بلند ہو گئے اور اللہ تعالیٰ نے آپ ﷺ کو سرفرازی عطا فرمائی، پھر آپ ﷺ کے بعد ایک اور صاحب آئے، انہوں نے بھی اسے پکڑا اور وہ بھی بلند ہوئے اور اللہ نے انہیں رفعت دی، پھر آپ دونوں کے بعد ایک اور صاحب آئے، انہوں نے بھی اسے تھاما اور وہ بھی بلند ہوئے، پھر آپ سب کے بعد ایک اور صاحب آئے، انہوں نے اسے تھاما تو وہ رسی منقطع ہوگئی، پھر اسے ان کے لیے جوڑ دیا گیا تو وہ بھی بلند ہوئے اور اللہ نے انہیں سربلندی عطا فرمائی۔“ اس پر سیدنا ابوبکر صدیق رضی اللہ عنہ نے عرض کی: ”اے اللہ کے رسول! مجھے اجازت عطا فرمائیں کہ میں اس کی تعبیر بیان کروں۔“ آپ ﷺ نے انہیں اجازت دی تو انہوں نے عرض کی: ”بادل سے مراد دینِ اسلام ہے، اور گھی و شہد سے مراد قرآنِ کریم کی حلاوت و لذت ہے، اور رسی سے مراد وہ حق و ہدایت ہے جس پر آپ ﷺ قائم ہیں، آپ ﷺ اسے تھامے ہوئے ہیں تو اللہ آپ ﷺ کو رفعت عطا فرمائے گا، پھر آپ ﷺ کے بعد ایک شخص آپ کے منہج پر چلے گا اور وہ بھی بلند مرتبہ پائے گا، پھر آپ دونوں کے بعد ایک اور شخص آئے گا جو آپ دونوں کے نقشِ قدم پر چلے گا اور وہ بھی سرفراز ہوگا، پھر آپ لوگوں کے بعد ایک اور شخص آئے گا جو آپ کے طریقے پر ہوگا مگر اس کے معاملے میں وہ رسی ٹوٹ جائے گی، پھر اسے اس کے لیے جوڑ دیا جائے گا اور وہ بھی بلند ہوگا اور اللہ اسے رفعت عطا فرمائے گا۔“ پھر انہوں نے دریافت کیا: ”اے اللہ کے رسول! کیا میں نے درست تعبیر کی ہے؟“ آپ ﷺ نے ارشاد فرمایا: ”تم نے کچھ درست کہا اور کچھ میں خطا کی۔“ انہوں نے عرض کی: ”اے اللہ کے رسول! میں آپ کو قسم دیتا ہوں کہ مجھے میری غلطی سے ضرور آگاہ فرمائیے۔“ آپ ﷺ نے ارشاد فرمایا: ”قسم نہ کھاؤ۔“