مسند أبي يعلى الموصلي

وَعَنِ ابْنِ عَبَّاسٍ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - اعْتَمَرَ ، وَكَانَ بَيْنَهُ وَبَيْنَ أَهْلِ مَكَّةَ عَهْدٌ أَنْ لَا يُخْرِجَ أَحَدًا مِنْ أَهْلِهِ ، فَلَمَّا قَضَى رَسُولُ اللهِ - صَلَّى اللهُ عَلَيْهِ وَسَلَّمَ - عُمْرَتَهُ خَرَجَ مِنْ مَكَّةَ وَمَرَّ رَسُولُ اللهِ - صَلَّى اللهُ عَلَيْهِ وَسَلَّمَ - بِابْنَةِ حَمْزَةَ بْنِ عَبْدِ الْمُطَّلِبِ ، فَقَالَتْ : يَا رَسُولَ اللهِ ، إِلَى مَنْ تَدَعُنِي ؟ فَلَمْ يَلْتَفِتْ لِلْعَهْدِ الَّذِي بَيْنَهُ وَبَيْنَ أَهْلِ مَكَّةَ ، وَمَرَّ بِهَا زَيْدُ بْنُ حَارِثَةَ فَقَالَتْ : إِلَى مَنْ تَدَعُنِي ؟ فَلَمْ يَلْتَفِتْ إِلَيْهَا ، وَمَرَّ بِهَا جَعْفَرٌ ، فَنَاشَدَتْهُ فَلَمْ يَلْتَفِتْ إِلَيْهَا ، ثُمَّ مَرَّ بِهَا عَلِيُّ بْنُ أَبِي طَالِبٍ ، فَقَالَتْ : يَا أَبَا حَسَنٍ ، إِلَى مَنْ تَدَعُنِي ؟ فَأَخَذَهَا عَلِيٌّ ، فَأَلْقَاهَا خَلْفَ فَاطِمَةَ ، فَلَمَّا نَزَلُوا أَتَى زَيْدٌ عَلِيًّا ، فَقَالَ : أَنَا أَوْلَى بِهَا مِنْكَ أَنَا مَوْلَى نَبِيِّ اللهِ - صَلَّى اللهُ عَلَيْهِ وَسَلَّمَ - قَالَ عَلِيٌّ : أَنَا أَوْلَى بِهَا مِنْكَ ، قَالَ جَعْفَرٌ : أَنَا أَوْلَى بِهَا : خَالَتُهَا عِنْدِي أَسْمَاءُ بِنْتُ عُمَيْسٍ الْخَثْعَمِيَّةُ ، فَلَمَّا عَلَتْ أَصْوَاتُهُمْ بَعَثَ إِلَيْهِمْ رَسُولُ اللهِ - صَلَّى اللهُ عَلَيْهِ وَسَلَّمَ - فَلَمَّا أَتَوْهُ قَالَ : أَمَّا أَنْتَ يَا جَعْفَرُ ، فَأَنْتَ تُشْبِهُ خَلْقِي وَخُلُقِي ، وَأَمَّا أَنْتَ يَا عَلِيُّ ، فَأَنَا مِنْكَ وَأَنْتَ وَصِيِّي ، وَأَمَّا زَيْدٌ فَمَوْلَايَ وَمَوْلَاكُمْ ، فَادْفَعِ الْجَارِيَةَ إِلَى خَالَتِهَا وَهِيَ أَوْلَى بِهَا .

سیدنا ابن عباس رضی اللہ عنہما سے روایت ہے کہ رسول اللہ ﷺ نے عمرہ ادا فرمایا اور آپ کے اور اہل مکہ کے درمیان یہ معاہدہ تھا کہ آپ وہاں کے کسی باشندے کو اپنے ساتھ باہر نہیں لے جائیں گے، چنانچہ جب رسول اللہ ﷺ اپنا عمرہ مکمل کر کے مکہ سے روانہ ہوئے تو آپ کا گزر سیدنا حمزہ بن عبد المطلب رضی اللہ عنہ کی صاحبزادی کے پاس سے ہوا، انہوں نے عرض کیا: ”اے اللہ کے رسول! آپ مجھے کس کے سہارے چھوڑ کر جا رہے ہیں؟“ لیکن آپ ﷺ نے اس معاہدے کی پاسداری کی وجہ سے جو آپ کے اور اہل مکہ کے درمیان تھا، ان کی طرف التفات نہ فرمایا۔ پھر ان کے پاس سے سیدنا زید بن حارثہ رضی اللہ عنہ گزرے تو انہوں نے ان سے بھی یہی کہا: ”آپ مجھے کس کے پاس چھوڑ رہے ہیں؟“ لیکن انہوں نے بھی ان کی طرف توجہ نہ دی۔ پھر ان کے پاس سے سیدنا جعفر رضی اللہ عنہ گزرے تو انہوں نے ان سے بھی التجا کی مگر انہوں نے بھی التفات نہ کیا، پھر ان کے پاس سے سیدنا علی بن ابی طالب رضی اللہ عنہ گزرے تو انہوں نے عرض کیا: ”اے ابوالحسن! آپ مجھے کس کے پاس چھوڑ کر جا رہے ہیں؟“ تب سیدنا علی رضی اللہ عنہ نے انہیں ساتھ لے لیا اور سیدہ فاطمہ رضی اللہ عنہا کے پیچھے سواری پر بٹھا دیا۔ جب وہ سب پہلی منزل پر اترے تو سیدنا زید رضی اللہ عنہ، سیدنا علی رضی اللہ عنہ کے پاس آئے اور کہنے لگے: ”میں اس بچی کا زیادہ حق دار ہوں کیونکہ میں اللہ کے نبی ﷺ کا آزاد کردہ غلام ہوں۔“ سیدنا علی رضی اللہ عنہ نے فرمایا: ”میں اس کا زیادہ حق دار ہوں۔“ سیدنا جعفر رضی اللہ عنہ نے فرمایا: ”میں اس کا زیادہ حق دار ہوں کیونکہ اس کی خالہ سیدہ اسماء بنت عمیس خثعمیہ رضی اللہ عنہا میرے پاس (نکاح میں) ہیں۔“ جب ان حضرات کی آوازیں بلند ہوئیں تو رسول اللہ ﷺ نے انہیں بلوا بھیجا، جب وہ آپ ﷺ کی خدمت میں حاضر ہوئے تو آپ ﷺ نے فرمایا: ”اے جعفر! تم صورت اور سیرت میں میرے مشابہ ہو، اور اے علی! تم مجھ سے ہو اور میرے وصی ہو، اور اے زید! تم میرے اور ان سب کے مولیٰ ہو، لہٰذا یہ بچی اس کی خالہ کے حوالے کر دو کیونکہ خالہ ہی اس کی سب سے زیادہ حق دار ہے۔“