مسند أبي يعلى الموصلي

وَعَنْ أَبِي عَوَانَةَ، عَنْ أَبِي بِشْرٍ، عَنْ سَعِيدِ بْنِ جُبَيْرٍ، عَنِ ابْنِ عَبَّاسٍ، قَالَ: مَا قَرَأَ رَسُولُ اللَّهِ صلى الله عليه وسلم عَلَى الْجِنِّ وَمَا رَآهُمْ، انْطَلَقَ رَسُولُ اللَّهِ صلى الله عليه وسلم فِي طَائِفَةٍ مِنْ أَصْحَابِهِ عَامِدِينَ إِلَى سُوقِ عُكَاظٍ، وَقَدْ حِيلَ بَيْنَ الشَّيَاطِينَ وَبَيْنَ خَبَرِ السَّمَاءِ وَأُرْسِلَتْ عَلَيْهَا الشُّهُبُ فَرَجَعْتِ الشَّيَاطِينُ إِلَى قَوْمِهِمْ فَقَالُوا: مَالُكُمْ؟ قَالُوا: حِيلَ بَيْنَنَا وَبَيْنَ خَبَرِ السَّمَاءِ، وَأُرْسِلَتْ عَلَيْنَا الشُّهُبُ. قَالَ: وَمَا ذَاكَ إِلَّا مِنْ شَيْءٍ حَدَّثَ؛ فَاضْرِبُوا مَشَارِقَ الْأَرْضِ وَمَغَارِبَهَا. فَمَرَّ النَّفْرُ الَّذِينَ أَخَذُوا نَحْوَ تِهَامَةَ، وَهُوَ بِنَخْلَةَ، عَامِدِينَ إِلَى سُوقِ عُكَاظٍ وَهُوَ يُصَلِّي بِأَصْحَابِهِ صَلَاةَ الْفَجْرِ، فَلَمَّا سَمِعُوا الْقُرْآنَ اسْتَمَعُوا لَهُ وَقَالُوا: هَذَا الَّذِي حَالَ بَيْنَنَا وَبَيْنَ خَبَرِ السَّمَاءِ، فَرَجَعُوا إِلَى قَوْمِهِمْ فَقَالُوا: يَا قَوْمَنَا، إِنَّا سَمِعْنَا قُرْآنًا عَجَبًا يَهْدِي إِلَى الرُّشْدِ فَآمَنَّا بِهِ، فَأَوْحَى اللَّهُ إِلَى نَبِيِّهِ {قُلْ أُوحِيَ إِلَيَّ أَنَّهُ اسْتَمَعَ نَفَرٌ مِنَ الْجِنِّ} [الجن: 1]

سیدنا ابن عباس رضی اللہ عنہما سے روایت ہے کہ انہوں نے فرمایا: ”رسول اللہ ﷺ نے جنوں کے سامنے (قصداً) قرآن کی تلاوت نہیں فرمائی تھی اور نہ ہی آپ ﷺ نے انہیں دیکھا تھا، بلکہ رسول اللہ ﷺ اپنے صحابہ کی ایک جماعت کے ساتھ عکاظ کے بازار جانے کے ارادے سے روانہ ہوئے، اور اس وقت شیطانوں اور آسمانی خبروں کے درمیان رکاوٹ ڈال دی گئی تھی اور ان پر شہابِ ثاقب چھوڑے جانے لگے تھے۔ چنانچہ وہ شیطان اپنی قوم کی طرف واپس پلٹے تو انہوں نے پوچھا کہ تمہیں کیا ہوا ہے؟ انہوں نے جواب دیا کہ ہمارے اور آسمانی خبروں کے درمیان پردہ حائل کر دیا گیا ہے اور ہم پر شہابِ ثاقب برسائے جا رہے ہیں۔ ان کے سرداروں نے کہا کہ یہ کسی بڑے واقعے کی وجہ سے ہوا ہے جو حال ہی میں رونما ہوا ہے، لہٰذا تم زمین کے مشارق و مغارب میں پھیل جاؤ (تاکہ اس کا سبب معلوم کر سکو)۔ پس جنوں کا وہ گروہ جو تہامہ کی سمت گیا تھا، اس کا گزر مقامِ نخلہ میں رسول اللہ ﷺ کے پاس سے ہوا جبکہ آپ ﷺ اپنے صحابہ کو فجر کی نماز پڑھا رہے تھے اور عکاظ کے بازار جانے کا ارادہ رکھتے تھے۔ پس جب انہوں نے قرآنِ کریم کی تلاوت سنی تو اسے بڑے غور سے سننے لگے اور کہنے لگے کہ بخدا! یہی وہ چیز ہے جو ہمارے اور آسمانی خبروں کے درمیان رکاوٹ بنی ہے۔ پھر وہ اپنی قوم کی طرف واپس گئے اور پکار اٹھے: اے ہماری قوم! ﴿إِنَّا سَمِعْنَا قُرْآنًا عَجَبًا * يَهْدِي إِلَى الرُّشْدِ فَآمَنَّا بِهِ﴾ ”بے شک ہم نے ایک نہایت عجیب قرآن سنا ہے جو ہدایت کی راہ دکھاتا ہے، سو ہم اس پر ایمان لے آئے“۔ تب اللہ عزوجل نے اپنے نبی ﷺ پر یہ وحی نازل فرمائی: ﴿قُلْ أُوحِيَ إِلَيَّ أَنَّهُ اسْتَمَعَ نَفَرٌ مِنَ الْجِنِّ﴾ ”آپ فرما دیجیے کہ میری طرف وحی کی گئی ہے کہ جنوں کی ایک جماعت نے (اس قرآن کو) غور سے سنا ہے“۔“