مسند أبي يعلى الموصلي

حَدَّثَنَا حَجَّاجٌ ، حَدَّثَنَا يَعْقُوبُ ، حَدَّثَنَا أَبِي ، عَنْ صَالِحٍ ، عَنِ ابْنِ شِهَابٍ أَنَّ أَبَا سَلَمَةَ بْنَ عَبْدِ الرَّحْمَنِ أَخْبَرَهُ ، عَنْ جَابِرِ بْنِ عَبْدِ اللهِ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - قَضَى : أَيُّمَا رَجُلٍ أَعْمَرَ رَجُلًا عُمْرَى لَهُ وَلِعَقِبِهِ ، فَقَالَ : أُعْطِيكَهَا وَعَقِبَكَ مَا بَقِيَ مِنْكُمْ أَحَدٌ فَإِنَّهَا لِمَنْ أُعْطِيَهَا ، وَإِنَّهَا لَا تَرْجِعُ إِلَى صَاحِبِهَا مِنْ أَجْلِ أَنَّهُ أَعْطَى عَطَاءً وَقَعَتْ فِيهِ الْمَوَارِيثُ .

سیدنا جابر بن عبداللہ رضی اللہ عنہما سے روایت ہے کہ رسول اللہ ﷺ نے یہ فیصلہ صادر فرمایا: ”جس شخص نے بھی کسی دوسرے شخص کو اس کی اور اس کی اولاد کی زندگی تک کے لیے کوئی چیز بطورِ عُمْرٰی عطا کی اور یہ کہا کہ میں تمہیں اور تمہاری اولاد کو یہ چیز اس وقت تک کے لیے دیتا ہوں جب تک تم میں سے کوئی ایک بھی باقی رہے، تو وہ چیز اسی شخص کی ملکیت ہو جائے گی جسے وہ عطا کی گئی ہے، اور وہ (عطا کرنے والے) مالک کی طرف واپس نہیں پلٹے گی، اس لیے کہ اس نے ایسا عطیہ دیا ہے جس میں وراثت کے احکام جاری ہو چکے ہیں۔“