مسند أبي يعلى الموصلي

حَدَّثَنَا وَهْبُ بْنُ بَقِيَّةَ ، حَدَّثَنَا خَالِدٌ ، عَنْ عَوْفٍ ، عَنْ أَبِي عَبْدِ اللهِ مَيْمُونٍ ، عَنِ الْبَرَاءِ ، قَالَ : أَمَرَ رَسُولُ اللهِ - صَلَّى اللهُ عَلَيْهِ وَسَلَّمَ - بِحَفْرِ الْخَنْدَقِ قَالَ : عَرَضَ لَنَا صَخْرَةٌ لَا تَأْخُذُ فِيهَا الْمَعَاوِلُ ، فَشَكَوْا ذَلِكَ إِلَى النَّبِيِّ - صَلَّى اللهُ عَلَيْهِ وَسَلَّمَ - ، قَالَ : فَأَخَذَ الْمِعْوَلَ ، قَالَ : وَأَحْسَبُهُ ، قَالَ : وَضَعَ ثَوْبَهُ فَضَرَبَ ضَرْبَةً ، وَقَالَ : بِاسْمِ اللهِ ، فَكَسَرَ ثُلُثَ الصَّخْرَةِ ، ثُمَّ قَالَ : اللهُ أَكْبَرُ ، أُعْطِيتُ مَفَاتِيحَ الشَّامِ ، إِنِّي لَأَنْظُرُ إِلَى قُصُورِهَا الْحُمْرِ مِنْ مَكَانِي هَذَا ، ثُمَّ قَالَ : بِاسْمِ اللهِ ، وَضَرَبَ أُخْرَى فَكَسَرَ ثُلُثَهَا ، وَقَالَ : اللهُ أَكْبَرُ ، أُعْطِيتُ مَفَاتِيحَ فَارِسَ ، وَاللهِ إِنِّي لَأَنْظُرُ إِلَى الْمَدَائِنِ وَقَصْرِهَا الْأَبْيَضِ مِنْ مَكَانِي هَذَا ، ثُمَّ قَالَ : بِاسْمِ اللهِ ، وَضَرَبَ أُخْرَى فَكَسَرَ بَقِيَّةَ الْحَجَرِ ، وَقَالَ : اللهُ أَكْبَرُ ، أُعْطِيتُ مَفَاتِيحَ الْيَمَنِ ، وَاللهِ إِنِّي لَأَنْظُرُ إِلَى مَفَاتِيحِ صَنْعَاءَ مِنْ مَكَانِي هَذَا .

سیدنا براء بن عازب رضی اللہ عنہ سے روایت ہے کہ رسول اللہ ﷺ نے خندق کھودنے کا حکم دیا، انہوں نے بیان کیا کہ ہمارے سامنے ایک ایسی سخت چٹان ظاہر ہوئی جس پر کدالیں اثر نہیں کر رہی تھیں، صحابہ نے اس کی شکایت نبی کریم ﷺ سے کی تو آپ ﷺ نے کدال تھامی، راوی کا بیان ہے کہ میرا خیال ہے آپ ﷺ نے (سہولت کی خاطر) اپنی چادر مبارک ایک طرف رکھی اور «بِسْمِ اللّٰهِ» ”اللہ کے نام سے“ کہہ کر ایک ضرب لگائی جس سے چٹان کا ایک تہائی حصہ ٹوٹ گیا، تب آپ ﷺ نے فرمایا: ”«اللّٰهُ أَكْبَرُ» ”اللہ سب سے بڑا ہے“، مجھے شام کی چابیاں عطا کر دی گئی ہیں اور اللہ کی قسم! میں اس وقت اپنی اسی جگہ سے وہاں کے سرخ محلات دیکھ رہا ہوں“، پھر آپ ﷺ نے دوبارہ «بِسْمِ اللّٰهِ» ”اللہ کے نام سے“ کہہ کر دوسری ضرب لگائی تو چٹان کا مزید ایک تہائی حصہ ٹوٹ گیا اور آپ ﷺ نے فرمایا: ”«اللّٰهُ أَكْبَرُ» ”اللہ سب سے بڑا ہے“، مجھے فارس کی چابیاں دے دی گئی ہیں، اللہ کی قسم! میں اسی جگہ سے مدائن اور اس کے سفید محل کو دیکھ رہا ہوں“، پھر آپ ﷺ نے «بِسْمِ اللّٰهِ» ”اللہ کے نام سے“ کہہ کر تیسری ضرب لگائی تو بقیہ چٹان بھی پاش پاش ہو گئی اور آپ ﷺ نے فرمایا: ”«اللّٰهُ أَكْبَرُ» ”اللہ سب سے بڑا ہے“، مجھے یمن کی چابیاں عطا کر دی گئی ہیں، بخدا! میں اس وقت اپنے اسی مقام سے صنعاء کی چابیاں (فتح کے دروازے) دیکھ رہا ہوں“۔