مسند أبي يعلى الموصلي

وَعَنْ أَبِي سَعِيدٍ الْخُدْرِيِّ ، عَنْ رَسُولِ اللهِ - صَلَّى اللهُ عَلَيْهِ وَسَلَّمَ - قَالَ : « إِذَا كَانَ يَوْمُ الْقِيَامَةِ عُرِّفَ الْكَافِرُ بِعَمَلِهِ ، فَجَحَدَ وَخَاصَمَ ، فَيُقَالُ : هَؤُلَاءِ جِيرَانُكَ يَشْهَدُونَ عَلَيْكَ ، فَيَقُولُ : كَذَبُوا ، فَيَقُولُ : أَهْلُكُ ، عَشِيرَتُكَ ؟ فَيَقُولُ : كَذَبُوا ، فَيَقُولُ : احْلِفُوا ، فَيَحْلِفُونَ ، ثُمَّ يُصْمِتُهُمُ اللهُ وَتَشْهَدُ أَلْسِنَتُهُمْ ، ثُمَّ يُدْخِلُهُمُ النَّارَ » .

سیدنا ابوسعید خدری رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جب قیامت کا دن ہوگا تو کافر کو اس کے اعمال سے باخبر کیا جائے گا، مگر وہ (اپنے گناہوں کا) انکار کرے گا اور بحث و تکرار کرے گا، تو اس سے کہا جائے گا کہ یہ تیرے پڑوسی ہیں جو تیرے خلاف گواہی دے رہے ہیں، وہ کہے گا کہ انہوں نے جھوٹ بولا ہے، پھر کہا جائے گا کہ کیا تیرے اہل و عیال اور تیرے قبیلے والے بھی جھوٹے ہیں؟ وہ کہے گا کہ انہوں نے بھی جھوٹ بولا ہے، اللہ تعالیٰ (گواہوں سے) فرمائے گا کہ تم سب قسم کھاؤ، تو وہ قسمیں کھائیں گے، پھر اللہ تعالیٰ ان (منکرین) کو خاموش کر دے گا اور ان کی اپنی زبانیں (سچائی کی) گواہی دیں گی، پھر اللہ انہیں آگ میں داخل کر دے گا۔“