مسند أبي يعلى الموصلي

وَعَنْ أَبِي سَعِيدٍ ، عَنْ رَسُولِ اللهِ - صَلَّى اللهُ عَلَيْهِ وَسَلَّمَ - قَالَ : « اسْتَكْثِرُوا مِنَ الْبَاقِيَاتِ الصَّالِحَاتِ » . قِيلَ : وَمَا هُنَّ يَا رَسُولَ اللهِ ؟ قَالَ : « الْمِلَّةُ » . قِيلَ : وَمَا هِيَ يَا رَسُولَ اللهِ ؟ قَالَ : « التَّهْلِيلُ ، وَالتَّكْبِيرُ ، وَالتَّسْبِيحُ ، وَالْحَمْدُ لِلهِ ، وَلَا حَوْلَ وَلَا قُوَّةَ إِلَّا بِاللهِ » .

سیدنا ابوسعید خدری رضی اللہ عنہ سے روایت ہے کہ رسول اللہ ﷺ نے ارشاد فرمایا: ”باقی رہنے والی نیکیوں کا ذخیرہ کثرت سے جمع کیا کرو۔“ عرض کیا گیا: اے اللہ کے رسول ﷺ! وہ کیا ہیں؟ آپ ﷺ نے فرمایا: ”وہ ملت (دین کی بنیاد) ہیں۔“ دریافت کیا گیا: اے اللہ کے رسول ﷺ! وہ (ملت) کیا ہے؟ آپ ﷺ نے ارشاد فرمایا: ”وہ «التَّهْلِيلُ» ”اللہ کے سوا کوئی معبودِ برحق نہیں کہنا“، «التَّكْبِيرُ» ”اللہ کی بڑائی بیان کرنا“، «التَّسْبِيحُ» ”اللہ کی پاکیزگی بیان کرنا“، «الْحَمْدُ لِلَّهِ» ”تمام تعریفیں اللہ ہی کے لیے ہیں کہنا“ اور «لَا حَوْلَ وَلَا قُوَّةَ إِلَّا بِاللَّهِ» ”اللہ کی مدد کے بغیر نہ گناہ سے بچنے کی ہمت ہے اور نہ نیکی کرنے کی طاقت کہنا“ ہیں۔“