مسند أبي يعلى الموصلي

حَدَّثَنَا أَحْمَدُ بْنُ عِيسَى ، حَدَّثَنَا ابْنُ وَهْبٍ ، أَخْبَرَنِي هِشَامُ بْنُ سَعْدٍ ، عَنْ زَيْدِ بْنِ أَسْلَمَ ، عَنْ عَطَاءِ بْنِ يَسَارٍ ، عَنْ أَبِي سَعِيدٍ الْخُدْرِيِّ ، أَنَّهُ دَخَلَ عَلَى رَسُولِ اللهِ - صَلَّى اللهُ عَلَيْهِ وَسَلَّمَ - وَهُوَ مَوْعُوكٌ ، عَلَيْهِ قَطِيفَةٌ ، فَوَضَعَ يَدَهُ عَلَيْهِ فَوَجَدَ حَرَّهَا فَوْقَ الْقَطِيفَةِ . فَقَالَ أَبُو سَعِيدٍ : مَا أَشَدَّ حَرَّ حُمَّاكَ يَا رَسُولَ اللهِ ! فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : إِنَّا كَذَلِكَ يُشَدَّدُ عَلَيْنَا الْبَلَاءُ ، وَيُضَاعَفُ لَنَا الْأَجْرُ . قُلْنَا : يَا رَسُولَ اللهِ ، مَنْ أَشَدُّ النَّاسِ بَلَاءً ؟ قَالَ : « الْأَنْبِيَاءُ وَالصَّالِحُونَ ، لَقَدْ كَانَ أَحَدُهُمْ يُبْتَلَى بِالْفَقْرِ حَتَّى مَا يَجِدُ إِلَّا الْعَبَاءَةَ يَحْوِيهَا فَيَلْبَسُهَا ، وَيُبْتَلَى بِالْقُمَّلِ حَتَّى يَقْتُلَهُ ، وَلَأَحَدُهُمْ كَانَ أَشَدَّ فَرَحًا بِالْبَلَاءِ مِنْكُمْ بِالْعَطَاءِ » .

سیدنا ابو سعید خدری رضی اللہ عنہ سے روایت ہے کہ وہ رسول اللہ ﷺ کی خدمت میں حاضر ہوئے جبکہ آپ ﷺ بخار کی شدت کی کیفیت میں تھے اور آپ ﷺ پر ایک کمبل (قطیفہ) پڑا ہوا تھا، انہوں نے اپنا ہاتھ آپ ﷺ پر رکھا تو کمبل کے اوپر سے ہی آپ ﷺ کے جسمِ مبارک کی تپش محسوس کی، جس پر سیدنا ابو سعید رضی اللہ عنہ نے عرض کیا: ”اے اللہ کے رسول ﷺ! آپ کا بخار کتنا شدید ہے؟“ تو رسول اللہ ﷺ نے ارشاد فرمایا: ”ہمارا معاملہ ایسا ہی ہے کہ ہم (انبیاء) پر آزمائش سخت کر دی جاتی ہے اور ہمارے لیے اجر بھی دوگنا کر دیا جاتا ہے“، انہوں نے عرض کیا: ”اے اللہ کے رسول ﷺ! لوگوں میں سب سے زیادہ کڑی آزمائش کن پر آتی ہے؟“ آپ ﷺ نے ارشاد فرمایا: ”انبیاء پر اور پھر نیک لوگوں پر؛ (پچھلی امتوں میں) ان میں سے کوئی فقر و فاقہ کی ایسی آزمائش میں مبتلا کیا جاتا کہ اسے پہننے کے لیے صرف ایک چادر ہی میسر آتی جسے وہ اپنے بدن پر لپیٹ لیتا، اور کوئی جوؤں کی کثرت کی آزمائش میں مبتلا ہوتا یہاں تک کہ وہ اسے ہلاک کر دیتیں، اور یقیناً وہ لوگ اللہ کی طرف سے آنے والی آزمائش پر اس سے کہیں زیادہ خوش ہوتے تھے جتنا تم مال و دولت کی عطا پر خوش ہوتے ہو“۔