مصنف ابن ابي شيبه

حسن رحمہ اللہ فرماتے ہیں کہ نبی کریم صلی اللہ علیہ وآلہ وسلم نے حضرت حمزہ رضی اللہ عنہ کے بارے میں حکم دیا تھا جب انہیں شہید کردیا گیا تھا پس ان کو غسل دیا گیا۔

حضرت زکریا رحمہ اللہ فرماتے ہیں کہ حضرت عامر رحمہ اللہ نے ارشاد فرمایا : کہ حضرت حنظلہ بن الراھب رضی اللہ عنہ کو فرشتوں نے پاک کیا تھا۔

یونس رحمہ اللہ فرماتے ہیں کہ حسن رحمہ اللہ نے اس مقتول کے بارے میں کہ جس پر تھوڑا وقت گزر گیا ہو یوں ارشاد فرمایا : کہ اس کو غسل دیا جائے گا۔

حضرت قتادہ رحمہ اللہ فرماتے ہیں کہ حضرت سعید بن المسیب رحمہ اللہ اور حسن رحمہ اللہ ان دونوں حضرات نے ارشاد فرمایا : شہید کو غسل دیا جائے گا۔ اس لیے کہ کوئی بھی مرتا نہیں ہے مگر یہ کہ وہ ناپاک ہوجاتا ہے۔

حضرت نافع رحمہ اللہ فرماتے ہیں کہ حضرت ابن عمر رضی اللہ عنہما نے ارشاد فرمایا : کہ حضرت عمر رضی اللہ عنہ کو غسل دیا گیا، کفن پہنایا گیا اور خوشبو بھی لگائی گئی۔