مصنف ابن ابي شيبه

حضرت ابن ابی نجیح رحمہ اللہ فرماتے ہیں کہ حضرت مجاہد رحمہ اللہ نے اللہ رب العزت کے اس قول { مُسَوِّمِینَ } کے بارے میں فرمایا : کہ نشان لگے ہوئے تھے۔ یعنی ان کے گھوڑوں کی دمیں کٹی ہوئی تھیں اور ان پر اون تھی۔

حضرت ابن عون رحمہ اللہ فرماتے ہیں کہ حضرت عمیر بن اسحاق رحمہ اللہ نے ارشاد فرمایا : غزوہ بدر کے دن صحابہ رضی اللہ عنہ م سے کہا گیا : تم کوئی نشانی اور علامت بنا لو۔ پس بیشک ملائکہ نے بھی نشانی لگائی ہوئی ہے۔ انہوں نے فرمایا : سب سے پہلے اسی دن اون کو نشانی بنایا گیا۔

حضرت حارثہ بن مضرب العبدی رحمہ اللہ فرماتے ہیں کہ حضرت علی رضی اللہ عنہ نے ارشاد فرمایا : غزوہ بدر کے دن رسول اللہ صلی اللہ علیہ وسلم کے اصحاب کی نشانی سفید اون تھی۔

حضرت ہشام بن عروہ رحمہ اللہ فرماتے ہیں کہ حضر ت یحییٰ بن عباد رحمہ اللہ نے ارشاد فرمایا : غزوہ بدر کے دن حضرت زبیر رضی اللہ عنہ کے سر پر زرد رنگ کا عمامہ تھا جس کے پلہ کو آپ رضی اللہ عنہ نے اپنے منہ سے لپیٹا ہوا تھا۔ پس ملائکہ اترے اس حال میں کہ ان کے سروں پر بھی زرد عمامے تھے۔

حضرت زبیر رضی اللہ عنہ کے بارے میں مذکورہ ارشاد اس سند سے بھی منقول ہے۔