حدیث نمبر: 33495
٣٣٤٩٥ - حدثنا هشيم عن مغيرة عن (شباك) (١) عن الشعبي عن علي في الخنثى قال: يورث من قبل مباله (٢).
مولانا محمد اویس سرور
شعبی خنثٰی کے بارے میں حضرت علی رضی اللہ عنہ کا فرمان نقل کرتے ہیں کہ اس کے وارث ہونے میں اس کے پیشاب کے راستے کا اعتبار ہوگا۔
حدیث نمبر: 33496
٣٣٤٩٦ - حدثنا وكيع قال: ثنا الحسن بن كثير الأحمسي عن أبيه أن معاوية أُتي في خنثى فأرسلهم إلى (علي) (١) فقال: يورث من حيث يبول (٢).
مولانا محمد اویس سرور
کثیر أحمسی فرماتے ہیں کہ حضرت معاویہ رضی اللہ عنہ کے پاس خنثٰی کے بارے میں مسئلہ لایا گیا تو آپ نے ان پوچھنے والوں کو حضرت علی رضی اللہ عنہ کے پاس بھیج دیا، آپ نے فرمایا کہ جس جگہ سے وہ پیشاب کرتا ہے اس کے اعتبار سے اس کو وارث بنایا جائے گا۔
حدیث نمبر: 33497
٣٣٤٩٧ - حدثنا علي بن مسهر عن سعيد عن قتادة عن جابر بن زيد والحسن في الخنثى قالا: يورث من مباله.
مولانا محمد اویس سرور
قتادہ روایت کرتے ہیں کہ حضرت جابر بن زید اور حسن نے خنثٰی کے بارے میں فرمایا کہ اس کو اس کے پیشاب کی جگہ کے اعتبار سے وارث بنایا جائے گا، قتادہ فرماتے ہیں کہ پھر میں نے یہ بات سعید بن مسیب سے ذکر کی تو انہوں نے فرمایا : جی ہاں ! اور اگر وہ دونوں راستوں سے پیشاب کرے تو جس راستے سے پہلے پیشاب آئے اس کا اعتبار کیا جائے۔
حدیث نمبر: 33498
٣٣٤٩٨ - قال قتادة: (فذكرت) (١) ذلك لسعيد بن المسيب فقال: نعم، وإن بال منهما جميعًا فمن أيهما سبق.
حدیث نمبر: 33499
٣٣٤٩٩ - حدثنا وكيع قال: ثنا عمر بن بشير الهمداني عن الشعبي في مولود ولد ليس له ما للذكر ولا ما للأنثى، يبول من (سرته) (١) قال: له نصف حظ الأنثى ونصف حظ الذكر.
مولانا محمد اویس سرور
عمر بن بشیر ہمدانی روایت کرتے ہیں کہ حضرت شعبی نے اس بچے کے بارے میں فرمایا جس کا پیشاب کا مقام ہی نہ تھا، مردوں جیسا نہ عورتوں جیسا، اور وہ اپنی ناف کے راستے پیشاب کرتا تھا، کہ اس کو عورت کی میراث کا آدھا مال اور مرد کی میراث کا آدھامال دلایا جائے گا۔
حدیث نمبر: 33500
٣٣٥٠٠ - حدثنا ابن عبادة عن محمد بن عبد الرحمن (العدني) (١) عن أبي جعفر في الخنثى: يورث من مباله، (و) (٢) إن بال منهما جميعا فمن أيهما سبق.
مولانا محمد اویس سرور
محمد بن عبد الرحمن عدَنی فرماتے ہیں کہ حضرت ابو جعفر نے خنثٰی کے بارے میں فرمایا کہ اس کو اس کے پیشاب کے مقام کے اعتبار سے وارث بنایا جائے گا اور اگر دونوں راستوں سے پیشاب کرے تو جس مقام سے پہلے کرتا ہے اس کا اعتبار کیا جائے گا۔