مصنف ابن ابي شيبه

حضرت فضیل بن عمرو فرماتے ہیں کہ ابراہیم نے فرمایا کہ چھ عورتیں وارث بنتی ہیں : بیٹی، پوتی، ماں، دادی، بہن اور بیوی، اور یہ سات آدمیوں کی وارث بنتی ہیں : باپ، بیٹا، پوتا، بھائی، شوہر، اور دادا، اور یہ اپنی بیٹی سے چھٹے حصّے کی وارث ہوتی ہے ، مگر یہ کہ اس کا کوئی عصبہ موجودہو۔

اعمش روایت کرتے ہیں کہ ابراہیم نے فرمایا کہ مرد کی وارث بننے والی عورتیں چھ ہیں : بیٹی، پوتی، ماں ، دادی، بہن اور بیوی، اور عورت سات آدمیوں کی وارث بنتی ہے : بیٹا، پوتا، باپ، دادا، شوہر اور بھائی، اور یہ اپنے پوتے سے چھٹے حصّے کی وارث بنتی ہے، اور پوتا ان سے کسی چیز کا وارث نہیں ہوتا تمام حضرات کے قول کے مطابق۔

نعمان بن سالم فرماتے ہیں کہ میں نے حضرت ابن عمر رضی اللہ عنہما سے پوتے کے بارے میں دریافت کیا کہ آپ اس آدمی کے بارے میں کیا فرماتے ہیں جو اپنے بھانجے کو چھوڑ جائے ؟ کیا وہ اس کا وارث ہوگا ؟ فرمایا ! نہیں۔