مصنف ابن ابي شيبه

حضرت زرّ فرماتے ہیں کہ میں نے حضرت ابی سے پوچھا ! حضرت ابن مسعود معوذتین کو صحیفہ میں نہیں لکھتے اور فرماتے ہیں : میں نے نبی صلی اللہ علیہ وآلہ وسلم سے ان دونوں سورتوں کی بابت سوال کیا تھا، تو آپ صلی اللہ علیہ وآلہ وسلم نے فرمایا : یہ تو مجھے پڑھنے کے لیے دی گئی تھیں پس میں نے ان کو پڑھ لاِ ۔ تو حضرت ابی ّ نے جواباً ارشاد فرمایا : اور ہم ان کو پڑھتے ہیں جیسا کہ ہمیں کہا گیا ہے۔

حضرت حصین فرماتے ہیں کہ امام شعبی نے ارشاد فرمایا : معوذتین قرآن کا حصہ ہیں۔

حضرت حصین سے امام شعبی کا ما قبل جیسا ارشاد اس سند سے مروی ہے۔

حضرت عبد الرحمن بن یزید فرماتے ہیں کہ میں نے حضرت عبد اللہ بن مسعود رضی اللہ عنہ کو دیکھا کہ وہ معوذتین کو اپنے صحیفوں میں سے کھرچ کر مٹا رہے تھے اور فرمایا : جو قرآن میں سے نہیں ہے اس کو اس میں خلط ملط مت کرو۔

ابراہیم فرماتے ہیں کہ میں نے حضرت اسود سے دریافت کیا : کیا یہ دونوں قرآن کا حصہ ہیں ؟ آپ نے فرمایا : جی ہاں ! یعنی معوذتین۔

حضرت سلمان جو کہ ام علی رضی اللہ عنہ کے آزاد کردہ غلام ہیں فرماتے ہیں کہ بلا شبہ حضرت مجاہد ناپسند کرتے تھے کہ وہ صرف معوذتین کو اکیلے پڑھیں ۔ یہاں تک کہ وہ اس کے ساتھ دوسری سورت کو ملا لیتے۔

حضرت محمد بن سالم فرماتے ہیں کہ میں نے حضرت ابو جعفر سے عرض کیا : بلاشبہ حضرت ابن مسعود نے معوذتین کو مصاحف سے مٹا دیا تھا ! تو آپ نے فرمایا : تم ان دونوں کو پڑھا کرو۔

حضرت منصور قصاب فرماتے ہیں کہ میں نے حسن سے پوچھا : اے ابو سعید ! کیا میں معوذتین کو فجر کی نماز میں پڑھ سکتا ہوں ؟ تو آپ نے فرمایا : ہاں اگر تم چاہو، یہ دونوں بہت مبارک اور پاکیزہ سورتیں ہیں۔

حضرت عقبہ بن عامر فرماتے ہیں کہ انہوں نے حضرت رسول اللہ صلی اللہ علیہ وآلہ وسلم سے معوذتین کی بابت پوچھا ! آپ فرماتے ہیں : پس آپ صلی اللہ علیہ وآلہ وسلم نے ان دونوں سورتوں کے ساتھ فجر کی نماز میں ہماری امامت کروائی۔

حضرت عقبہ بن عامر فرماتے ہیں کہ میں ایک سفر میں رسول اللہ صلی اللہ علیہ وآلہ وسلم کے ساتھ تھا۔ پس جب فجر صادق طلوع ہوئی ۔ میں نے اذان دی اور اقامت کہی۔ پھر آپ صلی اللہ علیہ وآلہ وسلم نے مجھے اپنے دائیں جانب کھڑا کیا اور معوذتین کی تلاوت فرمائی۔ پس جب نماز سے فارغ ہوئے تو آپ صلی اللہ علیہ وآلہ وسلم نے فرمایا : تو نے دیکھ لیا جو میں نے پڑھا ؟ مں ھ نے کہا : اے اللہ کے رسول (صلی اللہ علیہ وآلہ وسلم) ! تحقیق میں نے دیکھ لیا۔ آپ صلی اللہ علیہ وآلہ وسلم نے فرمایا : تو ان دونوں سورتوں کو پڑھا کر جب بھی تو سو اور جب بھی تو بیدار ہو۔

حضرت ابن سیرین فرماتے ہیں کہ حضرت ابن مسعود معوذتین کو نہیں لکھتے تھے۔