مصنف ابن ابي شيبه

حضر ت ابراہیم فرماتے ہیں کہ ایک یہودی شخص نبی کریم صلی اللہ علیہ وآلہ وسلم کی خدمت میں حاضر ہو کر کہنے لگا : آپ صلی اللہ علیہ وآلہ وسلم اللہ سے میرے حق میں دعا فرمائیں، تو آپ صلی اللہ علیہ وآلہ وسلم نے فرمایا؛ اللہ تیرے مال اور اولاد میں کثرت عطا فرمائے، اور تیرے جسم کو تندرست کر دے اور تیری عمر کو لمبا کر دے۔

حضرت منصور فرماتے ہیں کہ ابراہیم نے ارشاد فرمایا : کوئی حرج کی بات نہیں ہے کہ یہودی اور عیسائی کو یوں کہا جائے ! اللہ تجھے ہدایت دے۔

حضرت قتادہ فرماتے ہیں کہ ایک یہودی نے نبی کریم صلی اللہ علیہ وآلہ وسلم کے لیے اونٹنی کا دودھ دھویا تو آپ صلی اللہ علیہ وآلہ وسلم نے فرمایا : اے اللہ ! تو اس کو خوب صورت بنا دے، چناچہ اس کے بال کالے ہوگئے۔