مصنف ابن ابي شيبه

حضرت عروہ فرماتے ہیں کہ حضرت عائشہ رضی اللہ عنہا نے اللہ کے قول اور نہ بلند آواز سے پڑھو تم اپنی نماز اور نہ بہت پست کرو تم اپنی آواز، کے بارے میں فرمایا : اس میں دعا مراد ہے ۔

حضرت سماک بن عبید فرماتے ہیں کہ حضرت عطاء نے فرمایا : دعا مراد ہے۔

حضرت حکم فرماتے ہیں کہ حضرت مجاہد نے اس آیت ( اور تم اپنی نماز میں آواز کو بلند نہ کرو اور نہ ہی اپنی آواز کو بہت پست کرو۔ ) کے بارے میں فرمایا : اس آیت میں دعا اور مانگنا مراد ہے۔

حضرت مجاہد قرآن مجید کی آیت { وَلا تَجْہَرْ بِصَلاتِکَ وَلا تُخَافِتْ بِہَا } کی تفسیر میں فرماتے ہیں کہ اس سے مراد دعا ہے۔