مصنف ابن ابي شيبه

حضرت المسیب فرماتے ہیں کہ حضرت عمر جب صفا اور مروہ کی وادی میں سعی کرتے ہوئے گزرتے تھے تو یوں دعا فرماتے : اے میرے رب ! مغفرت فرما اور رحم فرما ، اور تو بہت عزت والا اور کرم والا ہے۔

حضرت مسروق فرماتے ہیں کہ حضرت عبد اللہ بن مسعود رضی اللہ عنہ جب صفا اور مروہ کی وادی میں سعی کرتے تو یوں دعا فرماتے : اے میرے رب مغفرت فرما اور رحم فرما، یقینا تو عزت والا اور کرم کرنے والا ہے۔

حضرت الھیثم بن حنش فرماتے ہیں کہ حضرت ابن عمر رضی اللہ عنہما یوں دعا مانگا کرتے تھے، میرے رب ! مغفرت فرما اور رحم فرما، یقینا تو بہت زیادہ عزت والا اور کرم کرنے والا ہے۔

حضرت ہشام بن عروہ فرماتے ہیں کہ ان کے والد حضرت عروہ صفا اور مروہ کی سعی کے درمیان یہ شعر پڑھا کرتے تھے۔ یقینا یہ ایک (چکر) اگر مکمل ہواتو اللہ نے اس کو مکمل کیا۔ اور تحقیق وہ مکمل ہوگیا۔