مصنف ابن ابي شيبه

حضرت اعمش فرماتے ہیں کہ ابراہیم نے ارشاد فرمایا : صفا اور مروہ پر کوئی دعا متعین نہیں جو چاہے دعا کرو۔

حضرت ابن جریج فرماتے ہیں کہ حضرت عطاء نے ارشاد فرمایا : میں نے نہیں سنا کہ صفا اور مروہ پر کوئی دعا متعین ہو۔

حضرت افلح فرماتے ہیں کہ حضرت قاسم ارشاد فرماتے ہیں کہ ان دونوں پر کوئی دعا متینم نہیں جو چاہے دعا کرو اور جو چاہے سوال کرو۔

حضرت معاذ بن العلائ فرماتے ہیں کہ میں حضرت عکرمہ بن خالد المخزومی کے پاس حاضر تھا وہ ارشاد فرما رہے تھے : میں نہیں جانتا کہ صفا اور مروہ پر کوئی متعین دعا ہو۔