مصنف ابن ابي شيبه

حضرت سعید بن المسیب فرماتے ہیں کہ حضرت عمر جب حجر اسود کا استلام فرماتے تو یہ کلمات پڑھتے : میں اللہ پر ایمان لایا اور میں نے بتوں کی تکفیر کی۔

حضرت حارث فرماتے ہیں کہ حضرت علی رضی اللہ عنہ جب حجر اسود کا استلام فرماتے تو یہ کلمات پڑھتے، اے اللہ ! تیری کتاب کی تصدیق کرتے ہوئے اور تیرے نبی صلی اللہ علیہ وآلہ وسلم کی سنت پر عمل کرتے ہوئے ( استلام کرتا ہوں)

حضرت عبیدالمکتب فرماتے ہیں کہ ابراہیم نے ارشاد فرمایا : جب بھی تو حجر اسود کا استلام کرے تو یہ کلمات پڑھ لیا کر : اللہ کے سوا کوئی معبود نہیں اور اللہ سب سے بڑا ہے۔

حضرت ابو اسحاق فرماتے ہیں کہ حضرت مجاہد نے ارشاد فرمایا : مستحب ہے کہ حجر اسود کا استلام کرتے ہوئے یوں کہا جائے ! اے اللہ ! تیری کتاب کی تصدیق کرتے ہوئے اور تیرے نبی کی سنت پر عمل کرتے ہوئے (استلام کرتا ہوں)