مصنف ابن ابي شيبه

حضرت اشعث فرماتے ہیں کہ حسن بصری نے ارشاد فرمایا : جادوگروں کو قتل کردیا جائے گا اور ان سے تو یہ طلب نہیں کی جائے گی۔

حضرت حارثہ بن مضرب فرماتے ہیں کہ حضرت جندب نے ایک جادوگر کو قتل کردیا یا آپ نے اس کو قتل کرنے کا ارادہ کیا۔

حضرت سالم فرماتے ہیں کہ حضرت قیس بن عباد نے ایک جادوگر کو قتل کیا۔

حضرت ھمام بن یحییٰ فرماتے ہیں کہ عمان کے گورنر نے حضرت عمر بن عبدالعزیز کو ایک جادوگرنی کے بارے میں خط لکھا جس کو اس نے پکڑا تھا۔ پس حضرت عمر نے اس کی طرف جواب لکھا : اگر وہ عورت اعتراف کرلے یا اس پر بینہ قائم ہوجائے تو اس کو قتل کردو۔

حضرت نافع فرماتے ہیں کہ حضرت ابن عمر رضی اللہ عنہما نے ارشاد فرمایا : حضرت حفصہ کی ایک باندی نے ان پر جادو کردیا اور لوگوں نے اس کو جادو کرتا ہوا پا لیا، اور اس نے اعتراف بھی کرلیا۔ حضرت حفصہ نے حضرت عبدالرحمن بن زید کو حکم دیا تو آپ نے اسے قتل کردیا، جب یہ خبر حضرت عثمان کو پہنچی تو آپ نے اس بات کو پسند نہیں کیا اور اس پر غصہ کا اظہار کیا۔ سو حضرت ابن عمر رضی اللہ عنہما آپ کے پاس تشریف لائے اور انہیں خبر دی کہ بیشک اس نے آپ پر جادو کردیا تھا، اور لوگوں نے اس کو جادو کرتا ہوا بھی پایا تھا، اور اس جادوگرنی نے اس کا اعتراف بھی کیا تھا۔ تو گویا حضرت عثمان نے اس بات کو ناپسند کیا اس لیے کہ اسے آپ کی اجازت کے بغیر قتل کیا گیا تھا۔

حضرت زید ابو المعلی رضی اللہ عنہ فرماتے ہیں کہ مجھے حضرت سنان بن سلمہ کے ایک سپاہی نے بیان کیا کہ حضرت سنان کے پاس ایک جادوگرنی کو لایا گیا، تو آپ نے اس کے متعلق حکم دیا تو اسے سمندر میں ڈال دیا گیا۔

حضرت بجالہ فرماتے ہیں کہ میں حضرت جزء بن معاویہ کا کاتب تھا۔ پس ہمارے پاس حضرت عمر بن خطاب کا خط آیا کہ تم ہر جادو گر اور جادوگرنی کو قتل کردو تو ہم نے تین جادوگروں کو قتل کیا۔

حضرت عمرو بن شعیب فرماتے ہیں کہ حضرت سعید بن مسیب نے جادوگر کے بارے میں ارشاد فرمایا : جب وہ اعتراف کرلے تو اسے قتل کردیا جائے۔

حضرت عمرو فرماتے ہیں کہ حسن بصری جادوگر کے بارے میں مروی ہے آپ نے فرمایا : اسے قتل کردیا جائے۔