مصنف ابن ابي شيبه

حضرت اسلم فرماتے ہیں کہ حضرت عمر نے فدک کی طرف جلا وطن کردیا۔

حضرت ابن یسار جو کہ حضرت عثمان کے آزاد کردہ غلام ہیں وہ فرماتے ہیں : حضرت عثمان نے ایک عورت کو زنا میں کوڑے مارے پھر آپ نے اس کو اس کے مالک جس کا نام مھری تھا کے ساتھ خیبر بھیج دیا آپ نے اس کو وہاں جلا وطن کیا تھا۔

حضرت حی فرماتے ہیں کہ حضرت علی رضی اللہ عنہ نے بصرہ کی طرف جلا وطن کردیا۔

حضرت ابو اسحاق فرماتے ہیں کہ حضرت علی رضی اللہ عنہ کے پاس ھمدان کی ایک باندی لائی گئی۔ آپ نے اسے کوڑے مارے اور آپ نے اسے ایک سال کے لیے بصرہ کی طرف جلا وطن کرکے روانہ کردیا۔

حضرت اسماعیل بن سالم فرماتے ہیں کہ میں نے حضرت شعبی سے حضرت ابن ھبیرہ کے زمانے میں دریافت کیا : کہاں سے لے کر کہاں تک زنا کی سزا میں جلا وطن کیا جائے گا ؟ آپ نے فرمایا : اس کے شہر سے دوسرے شہر تک۔

حسن بصری فرماتے ہیں کہ نبی کریم صلی اللہ علیہ وآلہ وسلم نے خیبر کی طرف جلا وطن کیا۔

حضرت ابن عمر رضی اللہ عنہما فرماتے ہیں کہ حضرت ابو بکرصدیق نے ایک آدمی اور ایک عورت کو ایک سال کے لیے جلا وطن کیا۔

حضرت زھری فرماتے ہیں کہ حضرت عمر نے بصرہ کی طرف جلا وطن کرد یا۔