مصنف ابن ابي شيبه

حضرت قتادہ فرماتے ہیں کہ حضرت جابر بن زید اور حضرت سعید بن مسیب سے اس یہودی اور عیسائی عورت کے بارے میں مروی ہے جو مسلمان کے ماتحت ہوں پھر وہ شخص بدکاری کرلے۔ ان دونوں حضرات نے فرمایا : اس کو سنگسار کردیا جائے گا۔

یونس فرماتے ہیں کہ حسن بصری فرمایا کرتے تھے : یہودی اور عیسائی عورت مسلمان کو پاکدامن بنا دیتی ہے۔

حضرت ابن جریج فرماتے ہیں کہ حضرت عطاء سے اس آدمی کے بارے میں مروی ہے جو اہل کتاب عورت سے شادی کرلے : آپ نے فرمایا : بیشک وہ اسے پاکدامن محصن بنا دیتی ہے۔

حضرت سالم فرماتے ہیں کہ میں نے حضرت سعید بن جبیر سے اس آدمی کے متعلق دریافت کیا جس نے یہودی، عیسائی باندی سے شادی کی ہو کیا وہ ان کی وجہ سے محصن بن جائے گا ؟ آپ نے فرمایا : جی ہاں اگر چہ جو بھی ہو۔