مصنف ابن ابي شيبه

حضرت حجاج فرماتے ہیں کہ حضرت زھری نے ارشاد فرمایا : رسول اللہ صلی اللہ علیہ وآلہ وسلم اور آپ صلی اللہ علیہ وآلہ وسلم کے بعد دو خلیفوں کے سنت گزر چکی ہے : حدود میں عورتوں کی گواہی جائز نہیں۔

حضرت بیان فرماتے ہیں کہ ابراہیم سے سوال کاس گیا : ان تین آدمیوں اور دو عورتوں کے متعلق جنہوں نے ایک آدمی کے خلاف زنا کی گواہی دی ؟ آپ نے فرمایا : جائز نہیں یہاں تک کہ وہ چاروں آدمی ہوں۔

حضرت حکم فرماتے ہیں کہ ابراہیم نے ارشاد فرمایا : طلاق اور حدود میں عورتوں کی گواہی جائز نہیں۔

حضرت مجالد فرماتے ہیں کہ حضرت عامر نے ارشاد فرمایا : سزاؤں میں عورتوں کی گواہی جائز نہیں۔

حضرت زکریا فرماتے ہیں کہ حضرت شعبی نے ارشاد فرمایا : کسی بھی حد میں عورت یا غلام کی گواہی جائز نہیں۔

یونس فرماتے ہیں کہ حسن بصری نے ارشاد فرمایا : سزاؤں میں عورتوں کی گواہی جائز نہیں۔

حضرت جویبر فرماتے ہیں کہ حضرت ضحاک نے ارشاد فرمایا : عورتوں کی گواہی نہ کسی خون میں جائز ہے اور نہ کسی خون کی سزا میں۔

حضرت سفیان فرماتے ہیں کہ میں نے حضرت حماد کو یوں ارشاد فرماتے ہوئے سنا : سزاؤں میں عورتوں کی گواہی جائز نہیں۔

حضرت علی رضی اللہ عنہ بن صالح فرماتے ہیں کہ میں نے حضرت عبدالرحمن بن سعید بن وھب کو یوں فرماتے ہوئے سنا : سزاؤں میں عورتوں کی گواہی جائز نہیں۔

حضرت ابن ابی ذئب فرماتے ہیں کہ حضرت زھری نے ارشاد فرمایا : سزاؤں میں کسی بھی صورت میں کوڑے نہیں مارے جائں ک گے مگر دو آدمیوں کی گواہی سے۔