مصنف ابن ابي شيبه

حضرت جابر بن زید فرماتے ہیں کہ حضرت ابن عباس رضی اللہ عنہما سے ان چار آدمیوں کے بارے میں مروی ہے جنہوں نے ایک عورت کے خلاف زنا کی گواہی دی درآنحالیکہ ان میں سے ایک اس کا خاوند تھا آپ نے فرمایا : خاوند لعان کرے گا ان تینوں کو کوڑے مارے جائیں گے۔

حضرت سعد بن مسیب سے بھی مذکورہ ارشاد اس سند سے منقول ہے۔

حضرت قتادہ فرماتے ہیں کہ حسن بصری نے ارشاد فرمایا : جب وہ سب اکٹھے آئیں تو خاوند ان سب میں گواہی کا زیادہ حقدار ہوگا۔

حضرت شیبانی فرماتے ہیں کہ حضرت شعبی نے فرمایا : اس عورت پر حد قائم کردی جائے گی۔

حضرت حماد فرماتے ہیں کہ ابراہیم نے ارشاد فرمایا : خاوند لعان کرے گا اور ان تینوں کو کوڑے مارے جائیں گے۔