مصنف ابن ابي شيبه

حضرت نعمان بن مرہ زرقی فرماتے ہیں کہ حضرت علی رضی اللہ عنہ نے چور کے پاؤں کا تلوا کا ٹ دیا۔

حضرت ام رزین فرماتی ہیں کہ حضرت ابن عباس رضی اللہ عنہما نے فرمایا کیا ہمارے حکمران اس سے عاجز آگئے ہیں کہ وہ اس طرح کاٹیں جیسا اس دیہاتی نجدہ نے کاٹا ہے۔ یعنی اس نے کاٹا ہے اور بالکل غلطی نہیں کی : اس نے پاؤں کاٹ دیا اور اس کی ایڑی چھوڑ دی۔

حضرت عبدالملک فرماتے ہیں کہ حضرت عطاء سے کاٹنے کے متعلق پوچھا گیا ؟ آپ نے فرمایا : جہاں تک پاؤں کا تعلق ہے تو اس کی ایڑی چھوڑ دی جائے گی۔

حضرت علاء بن عبدالکریم فرماتے ہیں کہ حضرت ابو جعفر نے ارشاد فرمایا : پاؤں قدم کے درمیان والے جوڑ سے کاٹا جائے گا۔

حضرت ابو جعفر کا ارشاد اس سند سے بھی منقول ہے۔

حضرت عکرمہ فرماتے ہیں کہ حضرت عمر بن خطاب نے جوڑ سے ہاتھ کاٹا اور حضرت علی رضی اللہ عنہ نے پاؤں کاٹا، حضرت عمرو بن دینار نے پاؤں کے نصف حصہ کی طرف اشارہ کیا۔