مصنف ابن ابي شيبه

حضرت یعلی رضی اللہ عنہ بن امیہ نے حضرت عمر بن خطاب سے فرمایا یا ان کو خط لکھا : بیشک ہمارے پاس ایسے لوگ لائے گئے ہیں جنہوں نے شراب پی ہے، پس ہم کس حالت میں ان پر حد قائم کریں ؟ حضرت عمر نے فرمایا : ان سے قرآن پڑھواؤ اور ان کی چادر بہت سی چادروں کے درمیان ڈال دو پس اگر وہ قرآن نہ پڑھ سکیں اور اپنی چادر کو نہ پہچان سکیں تو ان پر حد قائم کردو۔

حضرت ابوبکر بن عمرو بن عتبہ فرماتے ہیں کہ (مصنف فرماتے ہیں میرا خیا ل ہے کہ انہوں نے حضرت عمر سے نقل کیا) حضرت عمر نے ارشاد فرمایا : حد نہیں ہوگی مگر جب چیزوں میں عقل دھوکہ کھاجائے۔

حضرت عبداللہ بن عتبہ فرماتے ہیں (مصنف فرماتے ہیں میرا خیال ہے کہ) حضرت عمر سے نقل فرمایا : کہ حد نہیں ہوگی مگر جب چیزوں میں عقل دھوکہ کھاجائے۔