مصنف ابن ابي شيبه

حضرت حماد فرماتے ہیں کہ ابراہیم نے ارشاد فرمایا : جو شخص کسی انسان پر یہ تہمت لگائے تو اسے کوڑے مارے جائیں گے اور اس میں گواہوں کو ایسے ہی تلاش کیا جائے گا جیسا کہ زنا کے گواہوں میں کیا جاتا ہے۔

حضرت معمر فرماتے ہیں کہ حضرت زہری نے ارشاد فرمایا : جب آدمی ایک شخص پر قوم لوط کے عمل کی یا جانور کے ساتھ بدفعلی رضی اللہ عنہ کی تہمت لگائے تو اسے کو ڑے مارے جائیں گے۔

حضرت عبدالخالق فرماتے ہیں کہ حضرت حماد نے ارشاد فرمایا : اس پر حد قذف جاری ہوگی۔

حضرت عبدالحمید بن جبیر فرماتے ہیں کہ ایک آدمی نے کسی آدمی کو کہا : اے لوطی، یہ معاملہ حضرت عمر بن عبدالعزیز کی خدمت میں پیش کیا گیا تو آپ نے یوں کہنا شروع کردیا : اے لوطی ! اے محمدی ! راوی کہتے ہیں : پھر آپ نے اسے دس سے اوپر کوڑے مارے پھر اگلے دن اسے نکالا اور اس کی سزا کو مکمل کیا۔

حضرت ابو ہلال فرماتے ہیں کہ حسن بصری نے ارشاد فرمایا : اس پر حد قذف جاری نہیں ہوگی اور حضرت عکرمہ نے ارشاد فرمایا : اس پر حد قذف جاری ہوگی۔