مصنف ابن ابي شيبه

حضرت ابو بکرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : جس شخص نے حلیف کو بغیر اس کے حلال ہونے کے قتل کردیا تو اللہ تعالیٰ اس پر جنت کو حرام کردیں گے کہ وہ اس کی خوشبو تک سونگھے۔

حضرت ابو بکرہ سے نبی کریم صلی اللہ علیہ وآلہ وسلم کا مذکورہ ارشاد اس سند سے بھی منقول ہے۔

حضرت ابو بکرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : جس شخص نے حلیف کو اس کے حق کے علاوہ میں قتل کردیا تو اللہ رب العزت اس پر جنت کو حرام کردیں گے۔

حضرت عبداللہ بن عمرو فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : جس شخص نے حلیف کو بغیر حق کے قتل کردیا تو وہ شخص جنت کی خوشبو بھی نہیں سونگھ پائے گا۔ حالانکہ اس کی خوشبو چالیس سال کی مسافت کی دوری سے بھی محسوس ہوتی ہے۔