مصنف ابن ابي شيبه

حضرت ابن عباس رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : مکاتب کو ادا کی جائے گی آزاد کی دیت جتنا حصہ اس کا آزاد ہوگا اور غلام کی دیت جتنا حصہ اس کا غلام ہوگا۔

حضرت عکرمہ فرماتے ہیں کہ حضرت علی رضی اللہ عنہ نے ارشاد فرمایا : مکاتب کو اس کی ادائیگی کے بقدر آزاد کی دیت ادا کی جائے گی۔

حضرت یحییٰ بن ابو کثیر فرماتے ہیں کہ حضرت علی رضی اللہ عنہ اور حضرت مروان مکاتب کے بارے میں فرمایا کرتے تھے : اس کو آزاد کی دیت ادا کی جائے گی بقدر اس ادائیگی کے جو اس نے کردی ہے اور جتنا حصہ اس کا غلام ہے اتنی غلام کی دیت ادا کی جائے گی۔

حضرت قتادہ فرماتے ہیں کہ حضرت عمر بن عبدالعزیز نے ارشاد فرکایا : مکاتب کے زخم کی دیت وہی ہے جو غلام کے زخم کی ہے۔

حضرت حکم فرماتے ہیں کہ ابراہیم نے ارشاد فرمایا : اس کے زخم کی دیت اس کی ادائیگی کے حساب سے دی جائے گی۔

ابراہیم فرماتے ہیں کہ حضرت شریح نے ارشاد فرمایا : مکاتب کے زخم کی دیت وہی ہے جو غلام کے زخم کی ہے۔