مصنف ابن ابي شيبه

حضرت شعبہ فرماتے ہیں کہ میں نے حضرت حکم اور حضرت حماد سے ایسے آدمی کے متعلق دریافت کیا جس نے دوسرے آمی کو کسی کے قتل کا حکم دیا ہو ؟ ان دونوں حضرات نے ارشاد فرمایا : قاتل کو قتل کیا جائے گا اور حکم دینے والے پر قصاص نہیں ہوگا۔

حضرت جابر فرماتے ہیں کہ ایک آدمی نے اپنے غلام کو حکم دیا تو اس نے ایک آدمی کو عمداً قتل کردیا حضرت عامر نے ارشاد فرمایا : اس غلام کو قتل کیا جائے گا۔

حضرت منصور فرماتے ہیں کہ ابراہیم نے ایسے آدمی کے بارے میں ارشاد فرمایا : جس نے ایک آدمی کو حکم دیا پس اس نے قتل کردیا کہ وہ دونوں شریک ہوں گے حضرت وکیع نے فرمایا : یہ ہمارے نزدیک گنا ہ میں شریک ہوں گے باقی رہا قصاص تو وہ قاتل پر ہوگا۔

حضرت منصور فرماتے ہیں کہ میں نے ابراہیم سے ایک امیر کے متعلق سوال کیا جس نے ایک آدمی کو حکم دیا پس اس نے کسی کو قتل کردیا ؟ آپ نے فرمایا : وہ دونوں گناہ میں شریک ہیں۔

حضرت سلمہ بن نبی ط فرماتے ہیں کہ حاکم نے ایک آدمی کو خاص آدمی کے قتل کا حکم دیا تو حضرت ضحاک بن مزاحم نے فرمایا : تو بھی مقتول ہوجا۔

حضرت اشعث فرماتے ہی کہ ایک آدمی نے اپنے غلام کو حکم دیا اس نے آدمی کو قتل کردیا حسن بصری نے ارشاد فرمایا : اس آدمی کو قتل کیا جائے گا۔

حضرت خلاس فرماتے ہیں کہ ایک آدمی نے اپنے غلام کو حکم دیا کہ وہ فلاں آدمی کو قتل کردے۔ حضرت علی رضی اللہ عنہ نے فرمایا : یقینا وہ تو اس کے کوڑے یا اس کی تلوار کے درجہ میں ہے۔

حضرت عطاء فرماتے ہیں کہ ایک آدمی نے اپنے غلام کو حکم دیا پس اس نے کسی آدمی کو قتل کردیا تو حضرت ابوہریرہ نے فرمایا : آقا کو قتل کیا جائے گا۔