مصنف ابن ابي شيبه

حضرت اشعث فرماتے ہیں کہ حسن بصری نے ارشاد فرمایا : جب جھکی ہوئی دیوار کے مالک کے خلاف گواہی دی گئی پھر وہ دیوار کسی پر گرپڑی اور وہ شخص مرگیا تو وہ مالک ضامن ہوگا۔

حضرت عامر فرماتے ہیں کہ حضرت شریح نے ارشاد فرمایا : جب آدمی کی دیوار جھکی ہوئی ہو اور اس کے بارے میں اس کے خلاف گواہی دے دی گئی تو وہ شخص ضامن ہوگا۔

حضرت مغیرہ سے ابراہیم کا مذکورہ ارشاد اس سند سے بھی منقول ہے۔

حضرت سعید فرماتے ہیں کہ حضرت قتادہ جھکی ہوئی دیوار کے بارے میں فرمایا کرتے تھے کہ جب لوگ اس کے مالک کے خلاف گواہی دے دیں پھر اس سے کوئی انسان مرگیا تو وہ شخص ضامن ہوگا۔