مصنف ابن ابي شيبه

حضرت مغیرہ فرماتے ہیں کہ ابراہیم نے ارشاد فرمایا : حدود حرم اور حدود حرم کے علاوہ میں قتل کرنے والے کی دیت برابر ہے۔

حضرت جابر فرماتے ہیں کہ حضرت عامر نے ارشاد فرمایا : ان دونوں کی دیت برابر ہے۔

حضرت سعید بن ابو معشر فرماتے ہیں کہ ابراہیم نے ارشاد فرمایا : جو حدود حرم اور غیر حدود حرم میں قتل کرے تو اس کی دیت ایک ہی ہوگی۔

حضرت قتادہ فرماتے ہیں کہ حسن بصری نے ارشاد فرمایا : ایک دیت پر اضافہ نہیں کیا جائے گا ابراہیم کے قول کی طرح۔

حضرت ابن طاؤس فرماتے ہیں کہ میرے والد حضرت طاؤس نے ارشاد فرمایا : سخت خون بہا لیا جائے گا حرمت کے مہونحں میں قتل کرنے والے سے، حدود حرم میں ، احرام کی حالت میں اور پڑوسی کے بارے میں۔

حضرت طاؤس فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا : پڑوسی کو قتل کرنے میں اور حرمت کے مہینوں میں قتل کرنے میں سخت خون بہا ہے۔

حضرت عمرو بن دینار اور سلیمان احول فرماتے ہیں کہ حضرت طاؤس نے ارشاد فرمایا : حدود حرم میں، حرمت کے مہینوں میں، اور پڑوسی کے قتل کرنے میں سخت خون بہا ہوگا۔

حضرت ہشام فرماتے ہیں کہ حسن بصری نے ارشاد فرمایا : حدود حرم میں قتل کرنے والے کی دیت میں مقام حل میں قتل کرنے والے کی دیت سے اضافہ نہیں کیا جائے گا۔