مصنف ابن ابي شيبه

حضرت ابو عمرو عبدی فرماتے ہیں کہ حضرت علی رضی اللہ عنہ نے ارشاد فرمایا : دیت تقسیم کی جائے گا ان لوگوں کے لیے جو وراثت کے حقدار ہوں۔

ابراہیم فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : دیت کے حقدار وارث ہوں گے اور دیت خاندان والوں پر لازم ہوگی۔

ایوب فرماتے ہیں کہ حضرت ابو قلابہ بیان فرمایا کرتے تھے دیت کی تقسیم کا طریقہ وہی ہے جو میراث کی تقسیم کا طریقہ ہے۔

حضرت شعبی اور ابراہیم نے ارشاد فرمایا : دیت ورثہ کو ملے گی۔

حضرت ہشام فرماتے ہیں کہ حسن بصری نے ارشاد فرمایا : اس کو بھی کتاب اللہ پر پیش کریں گے اس کے تمام مال کی طرح۔

حضرت ابن طاؤس فرماتے ہیں کہ ان کے والد حضرت طاؤس فرماتے تھے اور یوں فیصلہ کرتے تھے کہ تمام کے تمام ورثہ وراثت کے مال کی طرح دیت کے وارث بنیں گے۔

حضرت ابن جریج فرماتے ہیں کہ میں نے حضرت عطاء سے پوچھا : کیا دیت میراث کے طریقہ سے ہی تقسیم ہوگی ؟ آپ نے فرمایا : جی ہاں ! میں نے عرض کیا : کیا ماں شریک بھائی بھی اس میں وارث بنے گا ؟ آپ نے فرمایا : جی ہاں۔