مصنف ابن ابي شيبه

حضرت شعبی فرماتے ہیں کہ حضرت عمر نے ارشاد فرمایا : خاوند اور بیوی ان دونوں کو معاف کرنے کا حق نہیں ہے۔

حضرت ابو معشر فرماتے ہیں کہ ابراہیم نے ارشاد فرمایا : شوہر اور بیوی کو خون میں معاف کرنے کا اختیار نہیں اس لیے کہ معاف کرنے کا اختیار مقتول کے اولیاء کو حاصل ہے۔

اسماعیل فرماتے ہیں کہ حسن بصری نے ارشاد فرمایا : شوہر اور بیوی کو خون مں ا معاف کرنے کا اختیار نہیں اور اگر ورثہ میں سے کوئی معاف کردے تو اس کا معاف کردینا جائز ہے اور دیت لازم ہوگی۔

حضرت صاعد بن مسلم فرماتے ہیں کہ حضرت شعبی نے ایسے شخص کے بارے میں کہ جس کو قتل کردیا گیا تھا اور اس نے اپنے پیچھے ایک بیٹی ایک بہن اور دو بیویاں چھوڑیں اور اس کی دونوں بیویوں میں سے ایک نے شوہر کا خون معاف کردیا۔ اس پر امام شعبی نے ارشاد فرمایا : عورت کو معاف کرنے کا اختیار نہیں ہے مگر اس عورت کو جو مقتول کی ذی رحم محرم ہو اور اس کا میراث میں حصہ بنتا ہو۔