مصنف ابن ابي شيبه

حضرت زہری کا ارشاد ہے کہ رسول اللہ صلی اللہ علیہ وآلہ وسلم نے ریڑھ کی ہڈی میں پوری دیت کا فیصلہ فرمایا۔

حضرت زید سے مروی ہے کہ ریڑھ کی ہڈی میں کامل دیت ہے۔

حسن کا فرمان ہے کہ ریڑھ کی ہڈی میں پوری دیت ہے۔

حضرت زہری کا ارشاد ہے کہ علماء کا اتفاق ہے کہ ریڑھ کی ہڈی میں پوری دیت ہے۔

حضرت سعید بن جبیر فرماتے ہیں کہ ریڑھ کی ہڈی میں پوری دیت ہے۔

حضرت عمرو بن شعیب کا ارشاد ہے کہ ابوبکر نے آدمی کی ریڑھ کی ہڈی کے بارے میں فرمایا کہ جب وہ ٹوٹ جائے اور بوجھ نہ اٹھا سکے تو پوری دیت ہے اور اگر بوجھ اٹھا سکے تو آدھی دیت کا فیصلہ فرمایا۔

حضرت مجاہد کا ارشاد ہے کہ اگر ریڑھ کی ہڈی ٹوٹ جائے پھر جڑ جائے اور اس کی منی منقطع ہوجائے (یعنی کوئی ایسا نقصان ہوجائے کہ اس کی نسل آگے نہ چل سکے) تو اس کی دیت کا مل ہوگی اور منی منقطع نہ ہو اور اس کی کمر میں کچھ ٹیڑھا پن ہو تو اس میں دیکھا جائے گا (یعنی بقدر نقصان دیت ہوگی)

حضر ت ابن جریج کا ارشاد ہے کہ میں نے عطاء سے کمر کے بارے میں سوال کیا جب وہ ٹوٹ جائے ؟ تو انہوں نے جواب دیا کہ اس میں دیت ہے۔

حضرت محمد بن عبداللہ کا ارشاد ہے کہ میں ابن زبیر کے پاس ایسے آدمی کے مقدمہ کے بارے میں حاضر ہوا کہ جس کی کمر ٹوٹ گئی تھی پھر وہ کھڑا ہوگیا اور بیٹھ نہیں سکتا تھا وہ کھڑا ہو کر چلتا تھا تو ابن زبیر نے کہا کہ (اس آدمی کو) پھر وہ چلا تو ابن زبیر نے اس کے لیے دو تہائی دیت کا فیصلہ فرمایا۔

حضرت علی رضی اللہ عنہ کا ارشاد ہے کہ جب کمر ٹوٹ جائے اور وہ جماع نہ کرسکے تو اس میں پوری دیت ہوگی۔