مصنف ابن ابي شيبه

حضرت محمد بن اسحاق ایسے شخص سے روایت کرتے ہیں کہ جس نے قاسم بن محمد سے سنا جبکہ ان سے اس شخص کے بارے میں سوال کیا گیا جس نے کسی دوسرے آدمی کے نرخرہ پر ضرب لگائی تھی جس سے اس کی آواز ختم ہوچکی تھی تو انہوں نے جواب دیا کہ اس میں دیت ہے۔

حضرت زید نے فرمایا کہ آدمی کو مارا گیا پھر وہ کھڑا ہوگیا یا آواز میں بھنبھناہٹ پیدا ہوگئی یا اس کا گلا بیٹھ گیا تو اس میں سے ہر ایک میں دیت ہوگی۔

حضرت عبدالعزیز بن عمر سے مروی ہے کہ امرائے اجناد نے عمر بن عبدالعزیز کے واسطے نرخرہ میں جب وہ ٹوٹ جائے اور آواز ختم ہوجائے ، دیت کا ملہ پر اتفاق کیا ہے۔

حسن سے مروی ہے کہ جب کلام پر قادر نہ رہے تو دیت ہے۔