مصنف ابن ابي شيبه

حضرت شمیسہ فرماتی ہیں کہ میں نے حضرت عائشہ رضی اللہ عنہا کو یوں فرماتے ہوئے سنا کہ ان سے یتیم بچہ کو اد ب سکھانے کے متعلق سوال کیا گیا ؟ آپ نے فرمایا : بیشک میں ان میں سے کسی کو اتنا ماروں گی کہ وہ خوش ہوجائے۔

حسن عرنی فرماتے ہیں کسی صحابی نے نبی کریم صلی اللہ علیہ وآلہ وسلم سے پوچھا : میں یتیم کو کس حد تک مار سکتا ہوں ؟ آپ صلی اللہ علیہ وآلہ وسلم نے فرمایا : تم اس کو اتنا مارو جتنا تم اپنے بچہ کو مارتے ہو۔

حضرت ابو جعفر خطمی فرماتے ہیں کہ ان کے والد نے حضرت سعید بن مسیب سے سوال کیا یا یوں فرمایا : کہ انہوں نے اپنے غلام کو بھیجا اور میں ان کے ساتھ تھا کہ آدمی یتیم کو کس حد تک مار سکتا ہے ؟ آپ نے فرمایا : جتنا آدمی اپنے بچہ کو مار سکتا ہے۔ حضرت ابو جعفر فرماتے ہیں : کہ انہوں نے حضرت محمد بن کعب سے پوچھا : انہوں نے بھی یہی ارشاد فرمایا۔