مصنف ابن ابي شيبه

حضرت یزید بن نعامہ ضبی فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : جب ایک آدمی دوسرے آدمی سے بھلائی کا معاملہ کرے تو اس کو چاہیے کہ وہ اس سے اس کا نام اور اس کے والد کا نام پوچھ لے اور یہ پوچھ لے کہ وہ کس قبیلہ سے ہے ؟ اس لیے کہ یہ بات محبت کو زیادہ کرنے والی ہے۔

حضرت مجاہد فرماتے ہیں کہ نبی کریم صلی اللہ علیہ وآلہ وسلم نے کسی آدمی کو دیکھا تو اس کے متعلق سوال کیا ؟ تو ایک شخص کہنے لگا : میں اس کا چہرہ پہچانتا ہوں۔ نبی کریم صلی اللہ علیہ وآلہ وسلم نے فرمایا : یہ پہچاننا تو نہ ہوا۔