حدیث نمبر: 28293
٢٨٢٩٣ - حدثنا حفص عن الأعمش عن أبي إسحاق عن عمرو بن ميمون قال: لما رفع اللَّه موسى نجيًا رأى رجلًا متعلقًا بالعرش فقال: يا رب من هذا؟ قال: (عبد من عبادي صالح إن شئت أخبرتك بعمله)، قال: يا رب أخبرني، قال: (كان لا يحسد الناس ما، آتاهم (اللَّه) (١) من فضله).
مولانا محمد اویس سرور
حضرت ابو اسحاق فرماتے ہیں کہ حضرت عمرو بن میمون نے ارشاد فرمایا : جب اللہ رب العزت نے حضرت موسیٰ کو سرگوشی کے لیے عزت بخشی، تو آپ نے ایک آدمی کو عرش سے چمٹا ہوا دیکھا۔ آپ نے پوچھا : اے پروردگار ! یہ کون شخص ہے ؟ اللہ رب العزت نے فرمایا : میرے بندوں میں سے نیک بندہ ہے۔ اگر تم چاہو تو میں تمہیں اس کے عمل کے متعلق بتلاؤں ؟ آپ نے عرض کی، اے پروردگار ! مجھے بتلائیے۔ اللہ رب العزت نے فرمایا : یہ شخص لوگوں سے حسد نہیں کرتا ان چیزوں میں جو اللہ تعالیٰ نے ان لوگوں کو اپنے فضل سے عطا کی تھیں۔
حدیث نمبر: 28294
٢٨٢٩٤ - حدثنا أبو معاوية عن الأعمش عن يزيد الرقاشي عن أنس قال: قال رسول اللَّه ﷺ: "إن الحسد ليأكل الحسنات كما تأكل النار الحطب" (١).
مولانا محمد اویس سرور
حضرت انس رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : یقینا حسد نیکیوں کو ایسے ہی کھا جاتا ہے جیسے آگ لکڑیوں کو کھا جاتی ہے۔
حدیث نمبر: 28295
٢٨٢٩٥ - حدثنا أبو معاوية عن الأعمش عن يزيد الرقاشي عن (الحسن) (١) قال: قال رسول اللَّه ﷺ: "كاد الحسد أن يغلب القدر، وكادت الفاقة أن تكون كفرًا" (٢).
مولانا محمد اویس سرور
حسن بصری فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : قریب ہے کہ حسد تقدیر پر غالب آجائے اور قریب ہے کہ فقر و فاقہ کفر کا سبب بن جائے۔
حدیث نمبر: 28296
٢٨٢٩٦ - حدثنا غندر عن شعبة عن أبي رجاء عن الحسن: ﴿وَلَا يَجِدُونَ فِي صُدُورِهِمْ حَاجَةً مِمَّا أُوتُوا﴾ [الحشر: ٩]، قال: الحسد.
مولانا محمد اویس سرور
حضرت ابو رجائ فرماتے ہیں کہ حسن بصری نے اس آیت کے متعلق : ترجمہ : اور نہیں پاتے اپنے دلوں میں کوئی حاجت اس چیز کی جو انہیں دی جائے۔ آپ نے فرمایا : حسد مراد ہے۔