مصنف ابن ابي شيبه

حضرت مجالد فرماتے ہیں کہ امام شعبی نے ارشاد فرمایا : کہ میں لوگوں میں سے کسی کو نہیں جانتا کہ اس نے علم طلب کرنے کے لئے حضرت مسروق سے زیادہ دنیا میں سفر کیا ہو۔

حضرت سفیان کسی شخص سے جس کا انہوں نے نام بیان نہیں کیا، نقل کرتے ہیں کہ طلب علم کے لئے حضرت مسروق ایک کنارے میں روانہ ہوئے اور حضرت ابو سعید دوسرے کنارے میں روانہ ہوئے۔

حضرت صالح فرماتے ہیں کہ امام شعبی نے ہمیں ایک حدیث بیان کی پھر ارشاد فرمایا : میں نے تمہیں یہ حدیث بغیر کسی چیز کے عطا کردی ، وگرنہ ایک سوار اس سے بھی کم کے لیے مدینہ تک کا سفر کرتا تھا۔

حضرت عبدہ بن سلیمان فرماتے ہیں کہ ایک آدمی نے بیان کیا کہ اما م شعبی نے مجھ سے فرمایا : کہ بہت سی احادیث ہم نے تمہیں بغیر کسی چیز کے عطا کردی ہیں وگرنہ ایک سوار مدینہ تک اس سے بھی کم کے لیے سفر کرتا تھا۔

حضرت ابو مجلز فرماتے ہیں کہ حضرت قیس بن عباد نے ارشاد فرمایا : کہ میں مدینہ کی طرف نکلا تاکہ میں علم اور اعزاز طلب کروں۔