مصنف ابن ابي شيبه

حضرت ابو المنذر فرماتے ہیں کہ میں نے حسن بصری سے اس آدمی کے متعلق پوچھا : جو ٹھنڈ یا بارش کی وجہ سے ذمیوں کے پاس جانے کا محتاج ہے ، کیا وہ ان سے اجازت طلب کرے ؟ آپ نے فرمایا : جی ہاں !۔

حضرت ابن عون فرماتے ہیں کہ میں نے امام محمد سے پوچھا کہ میں اہل کتاب سے کیسے اجازت مانگوں ؟ آپ نے فرمایا : اگر تم چاہو تو یوں کہو : ہدایت کی پیروی کرنے والوں پر سلام ہو ، کیا میں داخل ہو جاؤں ؟

حضرت حصین فرماتے ہیں کہ حضرت ابو مالک غفاری نے ارشاد فرمایا : جب تم کسی ایسے گھر میں داخل ہو جس میں مشرکین موجود ہوں تو تم یوں کہو : السَّلاَمُ عَلَیْنَا وَعَلَی عِبَادِ اللہِ الصَّالِحِینَ ۔ ترجمہ : ہم پر اور اللہ کے نیک بندوں پر سلام ہو، وہ سمجھیں گے کہ تم نے ان کو سلام کیا حالانکہ تم نے ان سے سلام کو پیری دیا ہے۔

ابراہیم فرماتے ہیں کہ حضرت عبد الرحمن بن یزید ذمیوں پر داخل ہونے سے پہلے اجازت طلب کرتے تھے۔

حضرت ابو سنان فرماتے ہیں کہ حضرت سعید بن جبیر نے ارشاد فرمایا : تم اہل کتاب پر بھی بغیر جازت کے داخل مت ہو۔

ابراہیم فرماتے ہیں کہ حضرت اسود فرماتے تھے کہ کیا میں اندر آ جاؤں ؟