مصنف ابن ابي شيبه

حضرت ابن سیرین فرماتے ہیں کہ حضرت علاء بن الحضرمی نے نبی کریم صلی اللہ علیہ وآلہ وسلم کو خط لکھا تو آپ نے اپنی ذات سے ابتدا کی۔

امام محمد فرماتے ہیں کہ حضرت ابو موسیٰ نے یوں خط لکھا ! عبد اللہ بن قیس کی جانب سے عامر بن عبد اللہ کی طرف۔

حضرت میمون بن مہران فرماتے ہیں کہ حضرت ابن عمر رضی اللہ عنہما نے حضرت عمر کو خط لکھا تو آپ نے یوں لکھا : عبد اللہ بن عمر رضی اللہ عنہما کی جانب سے حضرت عمر کی طرف۔ فرماتے ہیں کہ حضرت میمون نے ارشاد فرمایا : بیشک یہ ایسی چیز ہے کہ عجمی اس کے ذریعہ ایک دوسرے کو فضیلت دیتے ہیں۔

حضرت کہمس فرماتے ہیں کہ حضرت عبد اللہ بن مسلم بن یسار نے مجھ سے کہا : کیا مجھ پر حرج ہے اس بات میں کہ میں خط میں اس طرح ابتدا نہ کروں ؟ ! اس لیے کہ وہ خط کی ابتدا نہیں کرتے تھے مگر امانت دار سے اور آدمی تو اپنے والد سے ابتدا کرتا ہے۔

حضرت معاذ بن معاذ فرماتے ہیں کہ میں نے بغداد میں حضرت شعبہ کو خط لکھا اور اپنے نام سے ابتدا کی، تو آپ نے مجھے خط لکھ کر ایسا کرنے سے منع فرمایا اور ذکر کیا کہ حضرت حکم اس کو مکروہ سمجھتے تھے۔