مصنف ابن ابي شيبه

حضرت منصور فرماتے ہیں کہ ابراہیم نے ارشاد فرمایا : صحابہ اس بات کو ناپسند کرتے تھے کہ ان کے پیچھے چلا جائے ۔

حضرت عبد اللہ بن عمرو رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم کو کبھی نہیں دیکھا گیا کہ آپ صلی اللہ علیہ وآلہ وسلم نے ٹیک لگا کر کھانا کھایا ہو اور نہ ہی کبھی آپ صلی اللہ علیہ وآلہ وسلم کے پیچھے دو آدمی چلے۔

حضرت حارث بن سوید فرماتے ہیں کہ حضرت عمار نے ایک آدمی کو یوں بد دعا دی۔ اے اللہ ! اگر یہ شخص جھوٹا ہے تو تو اس کے لیے دنیا کو کشادہ کر دے اور اس کو ایسا بنا دے کہ اس کے پیچھے پیچھے لوگ چلیں۔