مصنف ابن ابي شيبه

حضرت حبیب فرماتے ہیں کہ میں نے حضرت ابو قلابہ سے سوال کیا ؟ تو آپ نے فرمایا : ” زعموا “ ۔

حضرت قرہ فرماتے ہیں کہ میں نے حسن کو بارہا یوں فرماتے ہوئے سنا : ” زعموا واللّٰہ “۔

حضرت ثابت فرماتے ہیں کہ میں نے حضرت ابن عمر رضی اللہ عنہما سے پوچھا : کیا گھڑوں میں بنی ہوئی نبیذ سے منع کیا گیا ہے ؟ تو آپ نے فرمایا : ان لوگوں نے یوں کہا اور لفظ ” زعموا “ کا استعمال فرمایا۔ راوی کہتے ہیں : میں نے پوچھا : کیا آپ نے یہ رسول اللہ صلی اللہ علیہ وآلہ وسلم سے سنا ہے ؟ آپ نے فرمایا : ان لوگوں نے یوں کہا ہے۔ اور لفظ ” زعموا “ کا آپ نے استعمال فرمایا۔

حضرت مغیرہ فرماتے ہیں کہ ابراہیم سے کسی چیز کے بارے میں سوال کیا جاتا ؟ تو آپ فرماتے : ان لوگوں نے یوں کہا : اور لفظ ” زعموا “ کا استعمال فرماتے ۔

حضرت ابن عون فرماتے ہیں کہ میں نے حضرت قاسم سے اس آدمی کے بارے میں سوال کیا جو سواری پر وتر پڑھ لے ؟ آپ نے فرمایا : لوگ یوں کہتے ہیں کہ حضرت ابن عمر رضی اللہ عنہما زمین پر وتر پڑھتے تھے اور آپ نے لفظ ” زعموا “ کا استعمال فرمایا۔