مصنف ابن ابي شيبه

حضرت عبد اللہ بن عمرو رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : رحم کرنے والوں پر رحمن بھی رحم فرماتا ہے، تم لوگ زمین میں رہنے والوں پر رحم کھاؤ، آسمان والا بھی تم پر رحم کرے گا۔

حضرت جریر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : اللہ اس شخص پر رحم نہیں کرتا جو لوگوں پر رحم نہیں کرتا۔

حضرت جریر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : اللہ اس شخص پر رحم نہیں کرتا جو لوگوں پر رحم نہیں کرتا۔

حضرت جریر سے نبی کریم صلی اللہ علیہ وآلہ وسلم کا مذکورہ ارشاد اس سند سے بھی منقول ہے۔

حضرت عبید اللہ بن عامر فرماتے ہیں کہ حضرت عبد اللہ بن عمرو رضی اللہ عنہ سے مروی ہے کہ آپ نے ارشادفرمایا : جو شخص ہمارے چھوٹوں پر رحم نہیں کرتا اور ہمارے بڑوں کا حق نہیں پہچانتا ، پس وہ ہم میں سے نہیں۔

حضرت ابوہریرہ فرماتے ہیں کہ میں نے ابو القاسم رسول اللہ صلی اللہ علیہ وآلہ وسلم جو کہ صادق و مصدوق ہیں اور اس حجرے والے ہیں کو فرماتے ہوئے سنا : رحمت نہیں چھینی جاتی مگر بدبخت سے، حضرت شعبہ فرماتے ہیں : میں نے اس روایت کو اپنے پاس لکھا ہوا بھی پایا۔

حضرت قرہ فرماتے ہیں کہ ایک آدمی نے نبی کریم صلی اللہ علیہ وآلہ وسلم سے عرض کیا : میں نے بکری کو ذبح کیا ا س حال میں کہ میں نے اس پر بہت رحم کھایا یا یوں عرض کیا : یقینا میں نے بکری پر بہت رحم کھایا جب میں نے اس کو ذبح کیا۔ اس پر آپ صلی اللہ علیہ وآلہ وسلم نے ارشاد فرمایا : بیشک اگر تو نے بکری پر رحم کھایا تو اللہ تجھ پر رحم کرے گا ۔ آپ نے دو مرتبہ یہ ارشاد فرمایا۔

حضرت ابو العلاء بن عبد اللہ بن الشخیر فرماتے ہیں کہ ان کے بھائی حضرت مطرف بن عبد اللہ بن الشخیر نے ارشاد فرمایا : یقینا اللہ رحم کرتا چڑیا پر رحم کرنے سے۔

حضرت جریر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : اللہ اس شخص پر رحم نیں کرتا جو لوگوں پر رحم نہیں کرتا۔

حضرت ابو عبیدہ فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا : تو زمین والوں پر رحم کر آسمان والا تجھ پر رحم کرے گا۔

حضرت ہشام بن عروہ فرماتے ہیں کہ ان کے والد حضرت عروہ نے ارشاد فرمایا : بیشک تورات میں لکھا ہوا ہے کہ جیسے تم رحم کرو گے تم پر رحم کیا جائے گا۔

حضرت اسامہ بن زید فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : بیشک اللہ اپنے رحم کرنے والے بندوں پر رحم کرتا ہے۔

حضرت جابر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : جو شخص رحم نہیں کرتا اس پر رحم نہیں کیا جاتا۔