مصنف ابن ابي شيبه

حضرت معتمر، اپنے والد سے روایت کرتے ہیں کہ انہوں نے حسن کو کہتے سُنا : کیا جناب نبی کریم صلی اللہ علیہ وآلہ وسلم کے صحابہ ایسی دو کانوں میں نہیں داخل ہوتے تھے جن میں تصاویر ہوتی تھیں ؟

حضرت ابوالضحیٰ سے روایت ہے۔ وہ کہتے ہیں کہ میں حضرت مسروق کے ہمراہ اس چبوترے میں داخل ہوا جس میں تصویریں تھیں۔ پس آپ کی نظر ایک تصویر پر پڑی تو آپ نے پوچھا : یہ کون ہے ؟ لوگوں نے کہا۔ حضرت مریم کی تصویر ہے۔

حضرت مغیرہ سے روایت ہے۔ وہ کہتے ہیں کہ ابراہیم کے گھر میں ایک تابوت تھا جس میں تصاویر تھیں۔

ابراہیم سے روایت ہے۔ وہ کہتے ہیں کہ تلوار کی تزئین میں تصویر ہونے میں کوئی حرج نہیں ہے۔ اور گھر کی چھت میں بھی تصویر ہونے میں کوئی حرج نہیں ہے۔ صرف وہ تصاویر مکروہ ہیں جن کو سیدھا کھڑا کیا جائے ۔