مصنف ابن ابي شيبه

حضرت علی رضی اللہ عنہ بن ربیعہ سے روایت ہے ۔ وہ کہتے ہیں کہ میں نے حضرت علی رضی اللہ عنہ کو ازار باندھتے دیکھا۔ پس میں نے ان (کے جسم) پر جان گیا دیکھا۔

حضرت قاسم سے روایت ہے۔ وہ کہتے ہیں کہ حضرت عائشہ رضی اللہ عنہا جب حج یا عمر ہ کی نیت سے نکلتی تھیں تو اپنے ساتھ اپنے غلام بھی اپنے کجاوہ کو چلانے کے لئے لے جاتی تھیں۔ چناچہ وہ غلام اپنے پاؤں کے ذریعہ خچر کے پیٹ کو ایڑی مارتے۔ اس پر حضرت عائشہ رضی اللہ عنہا نے ان کو حکم دیا کہ وہ جانگیے پہنا کریں۔

حضرت ابو الہیثم سے روایت ہے۔ وہ کہتے ہیں کہ حضرت سلمان فرماتے ہیں کہ جان گیا بہترین کپڑا ہے۔

حضرت علاء بن حبیب سے روایت ہے۔ وہ کہتے ہیں کہ حضرت عمار بن یاسر پر جان گیا دیکھا گیا جب کہ وہ عرفات میں تھے۔

حضرت ابن ابی نجیح سے روایت ہے ۔ وہ کہتے ہیں کہ میرے والد ازار کے نیچے جان گیا پہنا کرتے تھے۔

حضرت اعمش سے روایت ہے۔ وہ کہتے ہیں کہ میں نے حضرت ابو صادق کو ازار پہنتے دیکھا ۔ تو میں نے آپ کے ازار کے نیچے جان گیا دیکھا۔

حضرت طلحہ بن یحییٰ سے روایت ہے۔ وہ کہتے ہیں کہ میں نے حضرت علی رضی اللہ عنہ بن ربیعہ والبی پر جان گیا دیکھا۔ راوی کہتے ہیں ۔ شیخ یعنی حضرت علی رضی اللہ عنہ جان گیا پہنا کرتے تھے۔

حضرت عبد الرحمن بن قاسم، اپنے والد سے، حضرت عائشہ رضی اللہ عنہا کے بارے میں روایت کرتے ہیں کہ وہ اپنے غلاموں کو ۔ جبکہ وہ غلام حالت احرام میں ہوتے تھے۔ جانگیے پہننے کا حکم دیا کرتی تھیں۔

حضرت انس سے روایت ہے۔ وہ کہتے ہیں کہ حضرت ابو موسیٰ جب سونے لگتے تو آپ اس ڈر سے کہ آپ کا ستر ظاہر نہ ہوجائے۔ آپ جان گیا پہنا کرتے تھے۔